Tṍó e Jíízọ̀s beè di boo kunukẽ̀í ã́, ẹlẹ beè nvèè kà mm̀ lẹ̀ẹ̀là ea kọ́ọ̀: “Fãi dẽè bọọ tẹ̀ nè bọọ kà.” (Ẹ́xọ. 20:12; Máát. 15:4) Jíízọ̀s beè ié lóó gè láá loomá kọ̀láá kà bel boo béè kọọ̀ tṍó e ẹlẹ beè di ãa, a beè ‘olòó gbàntṍ ló’ a tẹ̀ nè a kà. (Lúùk 2:51) Tṍó ea ni dú kà nen, a beè pììga boo gè mòn kọ bà ẹb nú ea kil ló a kà tṍó ẹlẹ ni úè.—Jọ́ọ̀n 19:26, 27.

Deè nieí, gbò nvín ãa e bà gé nyoone nvéè Kráìst e bà gbantṍ ló ba tẹ̀ nè ba kà vaá tú bá fã̀dẽe loomá bel nè va zógè kọ bà fãè dẽè ba tẹ̀ nè ba kà. Kàsĩ́, kùbmà á gé ló lẹ̀ẹ̀là ea kọ́ é fã̀dẽè bẹẹ tẹ̀ nè bẹẹ kà. Kọbèè tṍó o baa ni ána, à bọ́ló kọ é olòó nvèè va ka ló tení dú ló gè ié bélè lọl ló ba nyìmànù. (Pró. 23:22) È nveè nàgé ka ló bẹẹ tẹ̀ nẹ̀ bẹẹ kà e baa ni ána tení dú ló ge nvèè bá nè va kọ bàá ié dĩ̀ìnè ló bùlà vaá tú kpègè nvèèmà bá tṍó e bà íe bíi. (1 Tím. 5:8) Kọbè è di ãa àbèè e ána, ene kà kpò kúm nu ea zógè kọ è fãà va dẽe dú gè olòó zọ̀ va loá sọ́l.

Ẹ̀B VÍDIÒ E BÀ TÃ́ BOO Ẹ́Ẹ́ BÁÀ NU EA KỌLÀ: MÓSĨ́ DEÈ NÍ E Ḿ LÁÁ ZỌ̀ NÀ TẸ̀ NÈ NÀ KÀ LOÁ BELÉ? VAÁ Ò ÁÁLÁ NA GBÒ BÍBVÍ:

• Éé ní ea náa vaá àé láá tàvàlà ní ló gè zọ̀ o tẹ̀ nè o kà loá belé?

• Mósĩ́ deè ní eo é láá fã̀ dẽè o tẹ̀ nè o kà tṍó eo gé ló bel nè vaẹ́?

• Éé ní ea náa vaá o pììgà eo náànì boo béè ge zọ̀ o tẹ̀ nè o kà loá bel à bọ́lóé? (Pró. 15:22)