Begè dẽe tṍó ea tõò vàẹ, ní eo ni émá bànà Boǹ Méné Bàrì e? É kọ ò gé ĩimà náa kal ló béè tàvàlà dìtõ̀ò eo gé téní bá? (Róm̀ 8:25) Sìgà gbò níí Kráìst ólò kpee sĩ́ ló ọ́lá, ge tú pọ́lọ́ bá sẹ̀ẹ̀mà va, ge siíva tẹlẹ tọọ̀ kpọ́gọ́lọ́, àbèè ge kọọ̀ bàé fẹ́ẹ̀ va. Gã́bug dõòna gbò dì e bà gé ĩimà kèbá zọ̀ ló e bè náa valẹ̀ bá tà àbèè áná.

Éé ní ea é nveè bá nèi kọ é elá àgàlà tṍó e gé mon tã̀àgã̀ ẽ? Èé íè ge agẹlẹ ló bẹẹ zìgà tení dú ló gè bugi vaá bugi togó boo Kpá Káí. Èé íè ge ká bùlà gbẹẹ́ boo bẹẹ ból dẽe sĩ́. (2 Kọ́r. 4:16-18; Híb. 12:2) Èé íè ge tã̀àgã ló Jìhóvà vaá bàn kpóó ea dú ló a nyómá káí. (Lúùk 11:10, 13; Híb. 5:7) Bẹẹ Tẹ̀ ea vulèi é láá nvèè bá nèi kọ é ‘ĩ̀ìmà kọ̀láá íb dì tõ̀ò e a élaí sĩ́, boo tṍó eé tú zààvà õomá Bàrì zaa.’—Kọ́l. 1:11.

Ẹ̀B VÍDIÒ EA KỌLÀ: ÈÉ ÍÈ GE “IÉ Ĩ̀ÌMÀ BOO TEEÍ”—ÀGALA BOO KỌỌ̀ ÒÓ TÚÈ NU, VAÁ Ò ÁÁLÁ GBÒ BÍBVÍ:

• Mókà “gbò nu e bè née ẹbmà dẽe” ní ea é láá lẹ̀ẹ̀àí ló mm̀ dùme? (Ẹ̀klì. 9:11)

• Mósĩ́ deè ní e gè tã̀àgã ló Bàrì é láá nvèè bá nèi tṍó e gé mon tã̀àgã̀ ẽ?

• Be née láà palàge siná tóm Jìhóvà belí bé e beè olòó sí naa, éé ní ea náa vaá èé ká bùlà gbẹẹ́ boo nu eé láá naa ẽ́?

• Éé ní ea ólò nvèè bá nè ni kọ ó nyimá kọọ̀ òé láá ié kpẽ́á?