GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Òòà Aa Ló Gè Sí Ló Nen Eo Ólò Noòmà Kpá Káí E Bè Náa Sim Kilsĩ́
NÚ EA NÁA À DÚ BÍI: Gbò nen íè ge kolí béè Jìhóvà kọbé bà duuà. (Róm̀ 10:13, 14) Sõò níì dénè nen ea zigà ge nó Kpá Káí ní ea gbĩ́ gè tõó boo gbò nòòkúù Jìhóvà ẹ nì. È ólò tú bẹẹ tṍó siimá tóm leevè gbẹá boo tóm kọ̀ kpẹ̀a tení dú ló gè nvèè bá nè gbò ea tań va gè nyaaná ba dùm kọbé bà náanìè nu ea é léémá Jìhóvà. Be à gá náa vaá nen e ólò zọ̀ noá Kpá Káí náa sim kilsĩ́ boo bá ea bọ́ló tṍó e ni tú gã́bug tṍó zọ̀ọ̀màe noomá nu, nyìmà nù di m ge kùb nakà nònù vaá tú tṍóá gé nvèèmà bá nè gbò e Jìhóvà duulà nèà vaá nvee mm̀ a bõ̀ònatõ̀ò. (Jọ́ọ̀n 6:44) Sõò be à gá náa vaá tṍó e sìgà tṍó ni téní vaá nená a daamà togó nyaaná a sĩ́deè tõò dùm vaá zogè kọọ̀ a dṹùnàe “gbò e Bàrì beè sà kọ bà é ié dùm e bè náa tá” èé tú ẹ́ẹ́-ẹẹ̀ nyíe kpáá dààmà togó gè zọ̀ọ̀màe noá nu.—Tóm 13:48.
BÉ EO É NÁA NAA:
-
Lèèlà nen eo ólò noòmà nu ló gè gbĩ́ì ge nyimá ló kà kà bel. —1 Tím. 2:4
-
Nvèè kà m bii bíi ea di ló gè kọ á tú gbò nu ea ni nó siimá tóm.—Lúùk 6:46-49
-
Gbọọlẹ̀ ló zọ̀e loá sọ́l boo nu dòòle ló Jíízọ̀s ea kil ló neǹ fóò nu, vaá ò kọ́ nèe kọ á bugi togó boo nu ea síie lọl ló gè tú gbò nu ea nó siimá tóm.—Máát. 13:18-23
-
Tú kyèèlè kọọmá nèe nu ea náa vaá nóo gé kil ná sĩ́ gè zọ̀e noá nu
-
Naa kọ á nyimá kọọ̀ òó ólòó dùe lọl tṍó tẹlẹ tṍó ló gè sièe kpóó ló nè ge kọọ̀ òó láá kpáá noai nu be à gá náa vaá à sìm kilsĩ́
Ẹ̀B VÍDIÒÍ VAÁ Ò ÁÁLÁ GBÒ BÍBVÍ:
-
Éé ní eo monì mm̀ loa sọ́lá ea zógè kọọ̀ nen e bà ólò noomàe Kpá Káíá náa géè sìm kilsĩ́ ẽ́?
-
Mósĩ́ deè ní e neǹ kọ̀ kpẹ̀aá beè nvèè bá nè nen ea ólò noòmà nu kọ á dã́tẽ́ ló kọọ̀ à dú bíi kọ á nyaaná a sĩ́deè tõò dùme?
-
Mósĩ́ deè ní e neǹ kọ̀ kpẹ̀aá beè naa kọọ̀ nen ea ólò noomà nu á nyimá kọọ̀ à di dièé bùlà ge kpáá zọẹ̀e noá nu tṍó ea ni kpenà ló é?