Tṍó eo ẹbvì lé-lé sĩ́ falávà, gyã́à káála, àbèè gbò múú ea gé ọ́ví aa gbàà dem, é kọọ̀ ò monì gbò bá tóm Neǹ Dèm Nù? Gbò nu e Bàrì beè dèm ea dì beeá teníí ló palàge tẹlẹ bàlà kẽ gbò nu e dẽè nen náa moà ea zógè nu e Jìhóvà dú. (Róm̀ 1:20) Tení dú ló gè tú tṍó bùgmà togó boo gbò nu e túù bẹẹ dẽe mònmà, èé láá gbóó mòn gbò nu ea zógè nu e Bàrì dú ea kọlà a kpóó, a vulè, a nyìmà nù, nè lé bèèla, bií nágé ló kọọ̀ à ólò dõo nu taalẹ bá.—Ps. 104:24.

Sìgà gbò éé e Jìhóvà beè dèm ní eo ólò mòn buù dee é? Kabèè ò ólò tõó mm̀ pọ̀b bon, òó láá mòn gbò ńnóm àbèè té. Ge olòó palàge bugi togó boo gbò nu e Jìhóvà beè dèm é láá nvèè bá mm̀ ge naa kọ é gá bọ̀ọ̀gẹ̀ ié tã̀àgã̀ bùlà, àé náa kọ é ká bùlà gbẹẹ́ boo nu ea palàge dì bíi, vaá naa kọ é kpáá bọ̀ọ̀vẹ̀ bẹẹ zìgà mm̀ ge nyimá kọọ̀ Jìhóvà é ẹb nu ea kilíí ló dọ̀ dèdè. (Máát. 6:25-32) Be à gá náa vaá ò ié gbò pá nvín, nvèè bá nèva kọ bàá mòn gbò lé-lé kpãà Jìhóvàí. Ge olòó zààva ló gbò nu e Bàrì beè dèm ea dì beeá teníí ló, é náa kọ é kpáá palàge dũ̀ùà bã kpàn Neǹ Dèm Nù.—Ps. 8:3, 4.

Ẹ̀B VÍDIÒ EA KỌLÀ: BÉ E GBÒ NU E BÀRÌ BEÈ DÈM DÚ DŨ̀ÙNÀ NAA TÚ A KA TẸLẸ BÀLÀ KẼ—Ẹ́Ẹ́ DEE NÈ KỌ́LỌ̀, VAÁ Ò ÁÁLÁ GBÒ BÍBVÍ:

• Mósĩ́ deè ní e nu ea ólò naa kọ é mòn kele-kele kọ́lọ̀ ólò siá tóm ẽ́?

• Éé ní ea ólò naa kọọ̀ kọ́lọ̀ ea di ló nu á sẹlẹ kele-kele dẽe ẽ́?

• Éé ní ea náa vaá è ólò mòn kele kele kọ́lọ̀ sĩ́dee é?

• Mókà gbò lé-lé kọ́lọ̀ nú e Bàrì beè dèm ní eo ni mon kuló o be é?

• Éé ní ea náa vaá èé tú tṍó bùgmà togó boo nú ea kil ló bàlà booí é?