Be ò dúù nvín ãa eo gáà dììa múú àbèè kọ ò gé nó Kpá Káí, é kọ ò túù ge dììa múú naamá nu eo sẹẹ̀a sĩ́? Éé ní ea náa vaá à bọ́ló kọ ó noo gè dììa múú ẽ́? Ge kìn lóó nè vaá dììa múú dú dààmà togó gè ié kà lé gbaa ló kilma ló Jìhóvà. (Ps. 91:1) Àé náa kọ é ié dùùà. (1 Pít. 3:21) Éé ní eo é náa kọbé ò láá sìm tùlà ge dììa múú ẽ́?

Àgala boo kọọ̀ níì kà kà belé. Tṍó eo íè bíb, noo gã́bug tṍó gbĩimá tẽ́ ló nu kọbé ò láá ié a ààla. (Róm̀ 12:2) Nvèè kpíí ló gbò kiẽ́e ea di ló o dùm ea dú bíi kọ ó nyaaná bá ló, vaá o nyààa á dú boo béè kọ ò gbĩ́ gè sí tóm nè Jìhóvà. (Pró. 27:11; Ẹ́fẹ. 4:23, 24) Olòó bàn nvèè bá lọ̀líé bá. Àgala boo kọọ̀ Jìhóvà é tú a nyómá káí nvèèmà ni sãa kúm vaá siè ni kpóó ló. (1 Pít. 5:10, 11) O sìà kpóó ló náa é dú zọ̀là pọ́ì. Ge sí tóm nè Jìhóvà ní ea dú kà lé sĩ́deè ge tõ̀òma dùm ẽ!—Ps. 16:11.

Ẹ̀B VÍDIÒ EA KỌLÀ NÚ EO É NÁA KỌBÉ Ò LÁÁ DÌÌA MÚÚ, VAÁ Ò GBÓÓ AALÁ NAGBÒ BÍBVÍ:

• Mókà gbò ànà-ànà ní e sìgà gbò beè bé èlbá kọbé bà láá dììa múú ẽ́?

• Mósĩ́ deè ní eo é láá toní zìgà ea dú bíi kọbé ò láá kìn lóó nè Jìhóvàẹ?

• Éé ní ea beè siè kpóó ló sìgà gbò kọ bàá naa gbò nú ea dú bíi kọbé bà láá dììa múú ẽ́?

• Mókà gbò tã́áná dee bá ní e gbò e bà sa gè sí tóm nè Jìhóvà ólò ié é?

• Éé ní e gè kìn lóó nè, nè ge dììa múú tõó dọ̀ ẹ?