Dì belí bé e Jìhóvà beè bõònè ló pá Ízràẹ̀l naaá, níà bé ea gé bṍònè ló pá a gbò deè nieí kọ bàá sí tóm ea beè nè va naa ẽ́. Beeá ló bàlà booí, gbò tọ nàà tóm, sẹ́kiùt, bõ̀ònatõ̀ò, nè gbò kọ̀ kpẹ̀a ólò gbá siá tóm kọbé sìtóm kọ̀ kpẹ̀a láá kilsĩ́. È ólò kọ́ kpẹ̀a nè kọ̀láá nen, bií nágé ló gbò e bà ólò ló dõòna kà dém bel.—Kùùà 14:6, 7.

É kọ o beè láá bugi togó boo gè nó dõòna kà dém bel kọbé ò láá noòmà kà kàí dõòna gbò? Kọbèè nóo íè tṍó gè noomá dém belá, òó láá tú JW Language app noomá nu dòòmà bá gè kọọmá kpẹ̀a. Tṍó eo ni tú kọọmá kpẹ̀a, nyíé ni é ẹ́ẹ belí bé e nyíè gbò nyòòne nvéè Kráìst mm̀ túá gbò gbááá beè ẹẹ naa tṍó ea bọọ́ ló gbò e bà aa dõòna kà dó ge dã́ “gbele gbele tóm dũ̀ùnè e Bàrì ni sí,” mm̀ ba dém bel.—Tóm 2:7-11.

Ẹ̀B VÍDIÒ EA KỌLÀ DÚ KÓÒ JÌHÓVÀ—KỌ́ KPẸ̀A MM̀ DÕÒNA KÀ DÉM BEL, VAÁ Ò GBÓÓ AALÁ NAGBÒ BÍBVÍ:

• Mó tṍó ní e JW Language app é láá nvèè bá nè ni ẽ́?

• Sìgà gbò éé ní ea di m ẽ́?

• Mókà gbò dém bel ní e gbò e bà di kiẽ́e eo ólò kọi kpẹ̀a ólò lòe?

• Éé ní eo é náa be à gá náa vaá nen ea íe tàn ge dã́ lé kpẹ̀a ólò ló dõòna kà dém belé?—od 100-101 ¶39-41