Jìhóvà tú kà agẹbá ẹ̀bmà zíl ílà dóm nè va. À kọ́ọ̀ dóm nè va é íè ge davá gbẹá ló ene. (Máát. 19:5, 6) Gã́bug gbò níí Bàrì e bà ni ílá ólò ié ẹ́ẹ́-ẹẹ̀ nyíe. Kọ̀láá bé ea dì naa, tọ́ọ̀ kà ílà dóm nè va náa gbõoma. Tã̀àgã̀ ólò bã zẹ̀ẹ̀ dóm nè va. Née é bugi togó kọọ̀ ge sii bá nen nè zààlà dóm nè va ní ea é láá nvèè kùbma ló tã̀àgã̀ ea di zẹ̀ẹ̀ dóm nè vaẹ́. Mósĩ́ ní e dóm nè va e bà gé nyoone nvéè Kráìst é láá kpènà ba ílà dóm nè va ẹ́?

Bugi togó boo vòò kà nu gè naa ea dú bíi.

1. Kpènà o nyíe tení dú ló gè kìn gbò láb ea dì belí ge ié lèèmá mm̀ dõòna nèn, kólì kyáà e bè náa õoà, ea ólò tãagẽ ílà dóm nè va.—Máát. 5:28; 2 Pít. 2:14.

2. Agẹlẹ ló o gbaa ló kilma ló Bàrì, vaá ò síè kpóó ló o tàn ge naa nú ea léémáe mm̀ o ílà dóm nè va.—Ps. 97:10.

3. Olòó nvèà ãa nen, vaá ò náa nú ea é náa kọọ̀ nyíè o dóm àbèè o va á ẹẹ.—Kọ́l. 3:8-10, 12-14.

4. Olòó loai sọ́l mm̀ bá fã̀ dẽe.—Kọ́l. 4:6.

5. Dóm nè va á ié tọa ló nyòòmà ene mm̀ bá vulà.—1 Kọ́r. 7:3, 4; 10:24.

Tṍó e gbò nyòòne nvéè Kráìst nveè ka ló ba ílà dóm nè va, bà nveè ka ló Jìhóvà ea beè tú ílà dóm nè va Nvee Kẽ.

Ẹ̀B VÍDIÒ EA KỌLÀ ÈÉ ÍÈ GE “IÉ Ĩ̀ÌMÀ GBẸÁ BOO TEEÍ”—SẸLẸ GBÒ LOG EA DÌ NÈ GBÒ E BÀÉ TÉÁ TEE, VAÁ Ò GBÓÓ AALÁ NAGBÒ BÍBVÍ:

• Náa kal ló béè kọọ̀ ílà dóm nè va ólò láá dú lé lọl dààmà togó, mókà tã̀àgã̀ ní ea ólò láá bã kẽé?

• Mósĩ́ deè ní e gbò nùùkúu ea di mm̀ Kpá Káí é láá nvèè bá nè gbò ea tõó vá ló belí kọọ̀ vulà á gé mm̀ ba ílà dóm nè va ẹ́?

• Mókà gbò log ní e Jìhóvà beè nvee kẽ nè dóm nè va ẹ́?

• Kọbé ílà dóm nè va láá kilsĩ́, éé ní e dóm nè va é íè ge naa ẽ́?