Mókà gbò tã̀àgã̀ ní eo gé téní bá buù dee é? É kọ ò dúù tẹ̀ boo tọ eo íè gã́bug tóm gè sì kọ bé ò láá ẹ̀b nú ea kil ló pá o tọ? É kọ ò dúù tẹ̀ àbèè kà e áá ọ̀ọ̀ gé ẹb nú ea kil ló pá o tọ? É kọ ò dúù nvín ãa e pá o kóò gé bóòmà ni bàg gbẹá tọọ̀ kpá? É kọọ̀ kpáló ni ólò bọọgẹ̀ zọ̀ àbèè kọ o ána? Kọ̀láá nen íe tã̀àgã̀ e bà gé téní bá. Sìgà gbò níí Kráìst ólò ié gã́bug tã̀àgã̀í tẽ̀ènè tṍó. Sõò, è nyímà kọọ̀ pọ́ì ńkem̀ tṍó àla, Jìhóvà é áálái lọl bá.—2 Kọ́r. 4:16-18.

Dọ̀ọ̀mà tṍóá, èé láá ié nvèè nyíé gbàà tení dú ló gè nyimá kọọ̀ Jìhóvà dã́tẽ́ ló bẹẹ gbò tã̀àgã̀, à nveè ka ló bẹẹ bọ́ọ̀ló dẹ̀lẹ̀ nyíé boo nè ĩ̀ìmà, vaá àé palàge tãanèi dee bá dì deèsĩ́. (Jèr. 29:11, 12) Jíízọ̀s íe nagé lèèmá mm̀ buù bẹ̀ì. Jíízọ̀s zigà nèi kọọ̀: “Nda é díí ló lee,” boo tṍó e gé sí bẹẹ tóm dì belí gbò nyòòne nvéè Kráìst. (Máát. 28:20) Èé agẹlẹ ló bẹẹ ból dẽesĩ́ nè béèlàfùl ge láá ĩ̀ìmà gbò tã̀àgã̀ ea dìí ló kátogóí tṍó e bugì togó boo dì pọ́ì e Boǹ Méné Bàrì é dómá.—Róm̀ 8:19-21.

Ẹ̀B VÍDIÒ EA KỌLÀ BOO TṌÓ E ÌLÌSẼ́ É GBOÓ GÉ ÙLÀÍ, PALÀGE OLÒÓ BÌÌA NVÉÈ JÍÌZỌ̀S!—GBÒ TÃ́ÁNÁ DEE BÁ E BOǸ MÉNÉ BÀRÌ É DÓMÁ MM̀ DÌ DEÈSĨ́, VAÁ Ò GBÓÓ AALÁ NAGBÒ BÍBVÍ:

• Mósĩ́ deè ní e gbò nen beè dọ̀ aa nvéè Bàrì e, vaá éé beè sìlà aa m ẽ́?

• Mókà lé dì deèsĩ́ ní e gbò e bà bọ́ló dẹ̀lẹ̀ nyíé boo nè Jìhóvà é dé kpéè lóé?

• Mósĩ́ deè ní e nakà dì deèsĩ́ ea dú dũ̀ùnèí é válíé?

• Mókà gbò tã́áná dee bá ní eo ẹbmà dẽe gè ié mm̀ ãa bàlà boo é?