È di mm̀ bàlà boo e bà kọ́ọ̀ lé dú pọ́lọ́ vaá pọ́lọ́ à dú lé. (Àìz. 5:20) À dú pọ́lọ́ kọọ̀ sìgà gbò ólò naa nú e Jìhóvà ọ́ví, dì belí dùm e bè náa õoà ea di zẹ̀ẹ̀ págbálà nè págbálà bií ló pábia nè pábia. Gbò e bà gbá dia tọọ̀ kpá àbèè dõòna gbò é láá gbĩ́ gè kẹlẹ bẹẹ gbò nvín ãa kọ bàá naa nú ea dú pọ́lọ́. Mósĩ́ deè ní eo é láá noòmà pá o nvín kọ bàá láá bé èlbá íb gbò ẹ̀bmàí ẽ́?

Tú gbò nòòkúù Jìhóvà noòmà pá o nvín. (Lìv. 18:3) Olòó noòmà va gbò nú e Kpá Káí kọ́ ea kil ló gbaa ló ea di zẹ̀ẹ̀ gbálà nè bia dẹ̀ẹ̀a boo bé e ba gbáá ni tóólá naa. (Dìt. 6:7) Bĩiná o bá kọọ̀: ‘É kọ m beè noòmà pá nà nvín nú ea kil ló gè ié tọ́a ló boo bá ea bọ́ló, nú ea náa à dú bíi gè nvèà kọ̀là ló ea kyãa mm̀ kunu-kuna bá, nè bíi ea di ló gè kọọ̀ dõòna gbò á fã̀ dẽè kiẽ́e ea dú ba ketõ̀ò gũ̀a? É kọọ̀ pá nà nvín é nyímá ló nu gè naa be à gá náa vaá nen à zogè va fùtó ea zógè kóló kètẽ́ nen àbèè ge kọ́ nè va kọ bàá naa nú e Jìhóvà kọ́ à dú pọ́lọ́? Ge noòmà va nú ea dú bíi kọ bàá nyimá é nveè bá nèva kọ bàá gá bã bá gbò tã̀àgã̀á. (Pró. 27:12; Ẹ̀klì. 7:12) Be ò nóòmà nuù pá o nvín, ò zógè kọ ò nveenìè ka ló dõ̀ònù e Jìhóvà néni.—Ps. 127:3.

Ẹ̀B VÍDIÒ EA KỌLÀ TÌB TỌ EA É DI LEE—KPÈNÀ PÁ O NVÍN LỌL LÓ “NÚ EA DÚ PỌ́LỌ́,” VAÁ Ò GBÓÓ AALÁ NAGBÒ BÍBVÍ:

• Éé ní ea náa vaá sìgà gbò náa ólò noòmà ba nvín nú ea kil ló gbaa ló ea di zẹ̀ẹ̀ gbálà nè bia ẹ́?

• Éé ní ea náa vaá tẹ̀ nè kà é íè ge tú “dò bá nu Dõò” ààmà pá ba nvín vaá nèèmà va “dùùlà bá deè tṍ” ẽ́?—Ẹ́fẹ. 6:4

• Éé ní e bõ̀ònatõ̀ò Jìhóvà ni náa ea é nveè bá nè tẹ̀ nè kà kọ bàá láá noòmà ba nvín nú ea kil ló gbaa ló ea di zẹ̀ẹ̀ gbálà nè bia ẹ́?—w19.05 12, ńkpó

• Éé ní ea náa à dú bíi kọ ó olòó zọ̀ pá o nvín loá bel besĩ́ tã̀àgã̀ kálá bã̀vá lóé?