Sámuẹ̀l beè kilsĩ́ gè bọ́ló dẹ̀lẹ̀ nyíé boo nè Jìhóvà dénè deé mm̀ a dùm. Náa beè zìgà ge bã mm̀ dùm e bè náa õoà lọ̀l gé tṍó ea beè di dí ńkem, dì belí Họ́fnàì nè Fínihàs e bà dú pá nvín Ílaì. (1 Sám. 2:​22-26) Sámuẹ̀l beè bọọ, vaá Jìhóvà beè kilsĩ́ gè tõoé ló. (1 Sám. 3:19) A beè kilsĩ́ ge fã̀ Jìhóvà mm̀ bọ́ọ̀ló dẹ̀lẹ̀ nyíé boo náa kal ló béè kọọ̀ pá a nvín náa beè naa vó.​—1 Sám. 8:​1-5.

Éé ní e nu dòòmà bá Sámuẹ̀l é láá noòmài ẽ́? Be ò dúù nvín ãa, àgala boo kọọ̀ Jìhóvà dã́ ból ló gbò ànà-ànà eo gé kpeesĩ́ ló, nè bé ea tọ́a ní ló naa. Àé láá nvèè bá naa kọ ó ié agẹ ló. (Àìz. 41:​10, 13) Bé ò dúù tẹ̀ àbèè kà eo nvín ni dọ aa mm̀ kà kàí, ge nyimá kọọ̀ Sámuẹ̀l náa beè láá tú bá kpóó siimá pá a nvín e ba ni dú kànen kọ bàá fã̀ Jìhóvà, é nveè ni nyíé gbàà. Boo tṍó ea beè sọ̀bá dìtõ̀òá gbẹẹ́ bá Jìhóvà, a beè kilsĩ́ gè bọ́ló dẹ̀lẹ̀ nyíé boo vaá naa nú ea léémá a Tẹ̀ ea di káála, ea dú Jìhóvà. Be à sẹlẹ o lé nú dòòmà bá é náa kọọ̀ o nvín á òòà dù gé fã̀ Jìhóvà.

Ẹ̀B VÍDIÒ EA KỌLÀ NÓ NU LỌ̀L VÁ LÓ​—SÁMUẸ̀L, VAÁ Ò GBÓÓ BĨ́INÁ NAGBÒ BÍBVÍ:

• Mósĩ́ deè ní e Sámuẹ̀l beè zogè kọọ̀ à íèè agẹ ló tṍó ea beè di dí pá nvín ẽ́?

• Mósĩ́ deè ní e Danny beè zogè kọọ̀ à íèè agẹ ló é?

• Mósĩ́ deè ní e Sámuẹ̀l beè zogè lé nu dòòmà bá tṍó ea ni dú kànen mm̀ dee é?

• Mósĩ́ deè ní e tẹ̀ nè kà Danny beè zogè lé nu dòòmà bá ẹ́?