È gbĩ́ gè naa nú ea é léémá Jìhóvà mm̀ kọ̀láá kà nu. (Pró. 27:11) Kọbé è láá naa níí, è íè bíi ló gè nè gbò béèlàfùl ea tẹ́lẹ bàlà kẽ bé e Bàrì bugi togó naa, bã̀àna tṍó e log náa aa deè kọ́ kà lèlà nú eé náa nèi. Éé ní ea é láá nvèè bá nèi kọ é naa vó é?

Olòó nó Kpá Káí lee. Buù tṍó e bugì Kpá Káí, à ólò belí kọọ̀ è gé zọ Jìhóvà naaá nu. Èé láá nó bé e Jìhóvà ólò bugi togó naa tṍó e bugì togó boo bé ea beè zọ̀ pá a gbò naaá nu naa, nè gbò nu dòòmà bá gbò e ẹlẹ beè ẹ̀b kọ bà dú lé àbèè pọ́lọ́. Tṍó e íè bíi ló gè nè béèlàfùl, nyómá káí é láá nvèè bá nèi kọ é kẽ̀èa boo gbò nú e beè nò nè gbò nòòkúu ea di mm̀ Kpá Káí.​—Jọ́ọ̀n 14:26.

Gbĩ́tẽ́ ló nu. Tṍó eo íè bíi ló gè nè béèlàfùl, bĩìà o bá kọọ̀, ‘Mókà gbò dọ̀ Kpá Káí àbèè nòòtẽ́ ea di mm̀ Kpá Káí ní ea é láá nvèè bá nèm kọ ḿ dã́tẽ́ ló bé e Jìhóvà ẹb nuí naa ẽ́?’ Bàn nvèè bá lọ̀l bá Jìhóvà, vaá ò tú gbò nú e bõ̀ònatõ̀òí ólò gbĩimá tẽ́ ló nu ea di mm̀ o dém bel gbĩimá tẽ́ ló nu, nè ge tú gbò nòòkúu ea di mm̀ Kpá Káí ea tọ́á ló o dìtõ̀ò siimá tóm.​—Ps. 25:4.

Ẹ̀B VÍDIÒ EA KỌLÀ ÈÉ ÍÈ GE “IÉ Ĩ̀ÌMÀ GBẸÁ BOO TEEÍ”​—DÉ GYÃ́Á EA É NVEÈ BÁ NÈ NI, VAÁ Ò GBÓÓ AALÁ NAGBÒ BÍBVÍ:

• Mókà gbò tã́gĩ̀ bá ní e vígà pábia e monì mm̀ vídiòá beè kpee sĩ́ ló é?

  O ààla

• Mósĩ́ deè ní eo é láá tú gbò nu gè gbĩimá tẽ́ ló nu gbĩimá tẽ́ ló bé eo é láá bé èl bá íb gbò tã́gĩ̀ báá naa ẽ́?

  O ààla

• Mósĩ́ deè ní e ólò ié bélè tṍó e túù tṍó gbĩimá tẽ́ ló nu, nè ge nó Kpá Káí boo bẹẹ lóó kọbé à nveè bá nèi kọ é nè lé béèlàfùl e?​—Híb. 5:​13, 14

  O ààla