Moǹ bel Bàrì é láá nyaaná bẹẹ dùm. (Híb. 4:12) Sõò, kọbé è láá ié bélè lọl ló gbò a tùle, lè-lè dee bá, nè a dùùlà bá deè tṍ, àé dú bíi kọ é àgala boo kọọ̀ níà “moǹ bel Bàrì.” (1 Tẹ̀s. 2:13) Mósĩ́ deè ní èé láá agẹlẹ ló bẹẹ zìgà mm̀ Moǹ Bel Bàrì e?

Bugi Kpá Káí buù dee. Tṍó eo gé bugi, gbĩ́ tẽ́ ló nú ea zógè kọọ̀ níà kpá ea aa bá Jìhóvà. Dì belí nu dòòmà bá, bugi togó boo gbò dùùlà bá deè tṍ ea di mm̀ kpá Próvẹẹ̀b, vaá ò nveè kpíí ló bé e gbò a nyìmànù é dọ bélè nèi deè niéi naa.​—Pró. 13:20; 14:30.

Dààmà togó nòònù ge nó Kpá Káí. Gbĩ́ gè palàge nyimá gbò nú ea zógè kọọ̀ Kpá Káí beè ẽá aa mm̀ bug e Bàrì ne. Mm̀ Research Guide for Jehovah’s Witnesses, ẹ̀b kè kẽè togó bel ea kọ́ọ̀ “The Bible” nè ní ea kọ́ọ̀ “Inspired by God.” Òé láá agẹlẹ nagé ló zìgà eo íè kọọ̀ gbò bel ea di mm̀ Kpá Káí gáà nyaaa tení dú ló gè bugi togó boo gbò bel ea di mm̀ Appendix A3 mm̀ New World Translation.

Ẹ̀B VÍDIÒ EA KỌLÀ NÚ EA NÁA È IÉ ZÌGÀ MM̀ . . . MOǸ BEL BÀRÌ, VAÁ Ò GBÓÓ AALÁ NAGBÒ BÍBVÍ:

• Mósĩ́ deè ní e gbò nú e bà mon kú gbọọ́ tọọ̀ káí Karnak ea di Íjèpt, zógè kọọ̀ Moǹ Bel Bàrì dú kà kà ẹ?

  Your answer

• Éé ní ea náa è nyimá kọọ̀ gbò bel ea di mm̀ Kpá Káí gáà nyaaa ẽ́?

  Your answer

• Mósĩ́ deè ní e gè kọọ̀ Kpá Káí dì dọ̀ beélè deeí zógè kọọ̀ à dú Moǹ Bel Bàrì e?​—Bugi Àìzáíà 40:8

  Your answer