Éé ní ea náa èé kpóógá dee ló é? Búù ló zọ̀ kpá ló nè bíì ge sí tọọ̀ biè é láá dọ̀í boo tṍó e née beè nè dẽe. Vóà naa, besĩ́ì bùló nu kálá naaá, naa kọ̀láá kà nú eo kpóó sim tùlà kọbé ò láá ié kà lé bóa be à gá náa búù ló zọ̀ ló àbèè bíì ge sí tọọ̀ biè à bã kẽ. Tṍó eo náà vó, ò zógè kọọ̀ ò nveenìè ka ló dùm nè log Jìhóvà ea kil ló mii.​—Tóm 15:​28, 29.

Òó láá kpoogá dee ló naa vàẹ?

• Tã̀àgã ló Bàrì vaá ò tú ọ̀ẹ̀ dẽe naamá fíìl kpá mii ea kọlà durable power of attorney (DPA). a Gbò e ba ni diìa múú é láá ié kpáí lọl bá nen ea ólò ẹ̀b nú ea kuu kpá ba bõ̀ònatõ̀ò, nè ní ea kọlà Identity Card (ic) e bàé ne ba gbò nvín e bà gáà sìm tùlà ge loà bel boo ba bá

• Beè nvín dì ní gbàà, òó láá kọ́ nè gbò kànen kọ bàá neè ni kpá ea kọlà Expectant Mothers (S-401). Nakà kpáí é nveè bá nè ni kọ ó láá nè lé béèlàfùl be à gá náa kpá ló ni à zọ̀ tṍó e nvín dì ní gbàà, àbèè tṍó eo gé gbĩ́ gè màn nvín

• v Be à gá náa o bóa à dọ̀ ní ea é láá bĩiná kọ bàá tú mii boomá ni, àbèè kọọ̀ à dú ní eo é gbẹ́á tọọ̀ biè, tú tṍó gbẹẹ́ sĩ́ kọ́ nè gbò kànen e bà di mm̀ bọọ bõ̀ònatõ̀ò vaá ò náa kọ pá tọọ̀ bièa á nyimá kọọ̀ Gbò Neǹ Ditõ̀ò Jìhóvà é dú gé kãanìè ni

Mósĩ́ deè ní e gbò kànen é láá nvèè bá ẹ́? Bàé láá nvèè bá nè ni ló gè naa fíìl o kpá mii. Náa kal ló béè vó, gbò kànen náa é tú béèlàfùl nè ni boo íb bóa e olo é tú, àbèè ge kọ́ nú e baala gáẹ̀ beè naa boo dìtõ̀ò ea kuu bá buù nen gè nè a béèlàfùl. (Róm̀ 14:12; Gàl. 6:5) Beè zọ̀ ló ea tõó ní ló belí kọọ̀ bàé láá tú mii boomàè ni bã́ ní ló vaá ò zọ̀ gbò kànen mm̀ bọọ bõ̀ònatõ̀ò loá bel boo, bàé valẹ̀ bá zọ̀ Hospital Liaison Committee (HLC) loá bel boo.

Mósĩ́ deè ní e HLC é láá nvèè bá ẹ́? Ba beè bumá pá vígà e bà dṹùnà HLC kọ bàá nvèè bá nè gbò dóm biè nè gbò kpóò log kọ bàá dã́ ból ló beélè béèlàfùl ea kil ló mii. Bàé láá zọ̀ o neǹ dóm biè loá bel boo dõòna kà gbò sĩ́deè bóa e bà náa é tú mii boomá. Be à dú bíi, bàé láá nvèè bá nè ni gbĩ́ neǹ dóm biè ea é zigà kọ náa é túè mii boomàè ni.

Ẹ̀B VÍDIÒ EA KỌLÀ BÉ EO É LÁÁ NÈ BÉÈLÀFÙL EA KIL LÓ ÍB BÓA EA BÃÀA MM̀ GE TÚ MII BOOMÁ NEN NAA, VAÁ Ò GBÓÓ AALÁ NAGBÒ BÍBVÍ:

• Éé ní eo nóò lọl mm̀ vídiòá ea é láá nvèè bá nè ni kọ ó kpoogá dee ló beè búùló zọ̀ ló ea bãàa mm̀ ge tú mii boomá nen bã́ kẽé?

  O ààla