Mm̀ gbò deé e tṍó é gé tàí, è ólò kpeesĩ́ ló gã́bug tàvàlà dìtõ̀ò. Sìgà tṍó, àé láá tõoí ló belí kọọ̀ bẹẹ tã̀àgã̀ palàge bọọ èlii ló vaá née é láá ĩ̀ìmà nà. Sõò, be à gá náa è kilsĩ́ gè dũ̀ùà bã kpàn Jìhóvà, àé nveè bá nèi kọ é láá ĩ̀ìmà kèbá gbò tã̀àgã̀ ea palàge bọọ. (Àìz. 43:​2, 4) Mósĩ́ deè ní eé láá dũ̀ùà bã kpàn Jìhóvà tṍó e gé téní bá tã̀àgã̀ ẽ?

Tã̀àgã ló. Tṍó e kọ́ọ̀ bẹẹ tã̀àgã̀ nè Jìhóvà, à ólò nèi dĩ̀inè ló bùlà nè kóì ge láá tõ̀òma bá.​—Fíl. 4:​6, 7; 1 Tẹ̀s. 5:17.

Gè Olòó Sí Nònù. È kpáà palàge ié bíi ló gbò dùùlà bá deè tṍ ea dẹẹ̀a boo Kpá Káí, nè gbaalo e Jìhóvà ólò naa kọ é dé kpéè ló gbẹá bẹẹ gbò nònù. (Híb. 10:​24, 25) Tṍó e ténì boo nú e bàé nó gbẹá nònù, vaá sí nònù, nè ge dõ̀ònà tõ̀ò ló, èé íe bélè lọl ló nvèè bá e Jìhóvà gé nèi tení dú ló a nyómá káí.​—Kùùà 2:29.

Gè Olòó Kọ́ Kpẹ̀a. Àé válií ló gè olòó bugi togó boo nú ea bọ́ló, tṍó e piigà bé e bẹẹ kpóó sim tùlà naa ge kọ́ kpẹ̀a lee. Àé náa kọọ̀ é láá zọ̀ Jìhóvà nè pá vígà dìa mm̀ gbaaló.​—1 Kọ́r. 3:​5-10.

Ẹ̀B VÍDIÒ EA KỌLÀ JÌHÓVÀ É TÚ NI NVEA LÓ, VAÁ Ò GBÓÓ AALÁ NAGBÒ BÍBVÍ:

• Éé ní ea beè nvèè bá nè Malu kọ á láá gbẹá kpàn Jìhóvà tṍó ea géè tení bá tã̀àgã̀ ẽ?

  O ààla

• Dì belí Malu, mósĩ́ deè ní e gbò bel ea di mm̀ kpá Psalm 34:18 é láá nvèèi nyíé gbàà tṍó e gé téní bá tã̀àgã̀ ẽ?

  O ààla

• Mósĩ́ deè ní e nú ea beè naaá ló Malu zógè kọọ̀ Jìhóvà ólò nèi “gbele kpóó” tṍó e tã̀àgã̀ bã́í ló é? ​—2 Kọ́r. 4:7

  O ààla