• Jóòb 37:20​—Mósĩ́ deè ní e ba beè olòó naa kọọ̀ gbò nen á dã́ nú ea gé nááá mm̀ tṍó e bà géè emí Kpá Káíá ẹ́? (it-1 492)

  O ààla

• Mókà gbò lé nu ea di mm̀ bugì Kpá Káí sèí ní ea é léémá ni gè kọ́ nèi ẽ́?

  O ààla

Bõ̀ònatõ̀ò Jìhóvà a náa gbò nuù tóm ea é nveè bá nèi kọ é láá gbàn tṍ ló log Bàrì ea kil ló mii. (Tóm 15:​28, 29) É kọ ò gé tú gé siimá tóm boo bá ea bọ́ló?

Durable Power of Attorney (DPA) Card nè Identity Card (ic): Gbò káàdí baatẽ́ bé e nen e kpá lóe gé zọ gbĩ́ kọ bàá boèe naa kilma ló sĩ́deè ge tú mii boomá nen. Gbò e ba ni diìa múú é láá ié DPA káàd lọl bá nen ea ólò ẹ̀b nú ea kuu kpá ba bõ̀ònatõ̀ò, nè ní ea kọlà Identity Card e bàé ne ba gbò nvín e bà gáà sìm tùlà ge loà bel boo ba bá. À bọ́ló kọọ̀ káàdí á dìí bá kọ̀láá tṍó. Be ò íè bíi ló gè naa fíìl fóòmí àbèè ge nyaaná bá ló sìgà nú eo beè emí m, ógá dàlà tṍó ló.

Information for Expectant Mothers (S-401) nè Information for Patients Requiring Surgery or Chemotherapy (S-407): Gbò kpáí ólò nvèè bá nèi kọ é láá kpoogá dee ló nyòòmà íb bóa eé tú, bií ló ní ea bãàa mm̀ ge tú mii boomá nen. Kọ́ nè gbò kànen mm̀ bọọ bõ̀ònatõ̀ò kọ bàá neè ni ene kà kpáí beè nvín dì ní gbàà àbèè kọ ò íè kom ea é bĩ́íná kọ bàá baá ni àbèè kọ ò gbĩ́ gè tú bóa boo béè kom ea kọlà cancer.

Hospital Liaison Committee (HLC): HLC dú gbò e bà dṹùnà gbò kànen e bà sim tùlà e ba beè bumá va kọ bàá láá nè tùle gbò dóm biè nè gbò e kpá ló va zọ, ea kil ló gè tú mii boomá nen. Bàé láá zọ̀ o neǹ dóm biè loá bel boo dõona kà gbò sĩ́deè ge boomá nen e náa é bĩ́íná gè nvèè mii ló nen. Be à gá náa à dú bíi, bàé láá nvèè bá nè ni kọ ó mòn neǹ dóm biè ea é zigà ge bó ni mm̀ sĩ́deè eo gbĩ́ì. Bà ólò di kpènà ló gè nvèè bá kọ̀láá tṍó e íè va bíi ló. Vàlẹ̀ bá zọ̀ pá HLC loá bel be à gá náa ò kpee sĩ́ ló dìtõ̀ò ea é bĩ́íná kọ ó tú vái gbẹá tọọ̀ biè, bóa ea é bĩ́íná kọ bàá baá ni, àbèè dõona íb bóa​—dì belí gè bó kom ea kọlà cancer​—kọbè à gá náa à tõo ní ló belí kọọ̀ o bóa náa é bĩ́íná kọ bàá tú mii boomá ni. Níí lóá nágé bel nyòòmà gbò e nvín di gbàà. Be à gá náa ò ié bíi ló nvèè bá, kọ́ nè neǹ kànen mm̀ bõ̀ònatõ̀ò kọ á zọ̀ pá HLC loá bel.

Bìlà VÍDIÒ Ea Kọlà Mósĩ́ Deè Ní E Hospital Liaison Committee Ólò Nvèè Bá Ẹ́? Tṍóá ò gbóó bĩiná gbò e bà gé pãané ni tṍ ló kọọ̀:

Mósĩ́ deè ní e pá HLC é láá nvèè bá nè ni be à gá náa ò kpee sĩ́ ló dìtõ̀ò ea bĩ́íná bóa àbèè ní ea bĩ́íná kọ bàá baá ni ẽ́?