January 29–February 4
JÓÒB 40-42
Sọ́l ea Gã́bug dú 124 nè Tã̀àgãló | Gbò Bel Ge Dààmà Togó (1 mínìt)
1. Gbò Nú Eé Láá Nó Lọl Ló Nú Ea Beè Naaá Ló Jóòb
(10 mínìt)
Kẽ̀èa boo kọọ̀ Jìhóvà nyímá nu èl ni (Jóòb 42:1-3; w10 10/15 3-4 ¶4-6)
Di kpènà ló gè tú dùùlà bá deè tṍ ea aa bá Jìhóvà nè a bõ̀ònatõ̀ò (Jóòb 42:5, 6; w17.06 25 ¶12)
Jìhóvà ólò nè kpẽ́ gbò e bà kilsĩ́ gè bọ́ló dẹ̀lẹ̀ nyíé boo nèe tṍó e bà gé téní bá tàvàlà dìtõ̀ò (Jóòb 42:10-12; Jém̀z 5:11; w22.06 25 ¶17-18)
Jìhóvà beè nè kpẽ́ Jóòb ló a bọ́ọ̀ló dẹ̀lẹ̀ nyíé boo
2. Gbò Lé Nu Ea Di Mm̀ Kpá Káí
(10 mínìt)
-
Jóòb 42:7—Kà lèlà sĩ́ mée ní e táàa kà pá kóò Jóòb géè ló bel uú boo é, vaá mósĩ́ deè ní e gè nyimá níí é nveè bá nèi kọ é láá ĩ̀ìmà gbẹ́a ẹ́? (it-2 808)
-
Mókà gbò lé nu ea di mm̀ bugì Kpá Káí sèí ní ea é léémá ni gè kọ́ nèi ẽ́?
3. Bugì Kpá Káí
(4 mínìt) Jóòb 42:1-17 (th 11 nu gè nò)
4. Ge Dààmà Togó Loa Sọ́l
(3 mínìt) GE KỌ́ KPẸ̀A AA TỌ DỌ TỌ. Nen ea ólò sí dõona kà bõ̀ònaló fã̀ e bà náa ólò nyoone nvéè Kráìst. (lmd 3 gá boo 5 nu gè nò)
5. Ge Naa Kọọ̀ Gbò Nen Á Nyoone Nvéè Kráìst
6. Lòbèl
(4 mínìt) 2 gá boo appendix A mm̀ lmd—Togó Bel: Boo Kunukẽ̀í Náa É Íe Kyọ̀àsĩ́. (th 13 nu gè nò)
Sọ́l ea Gã́bug dú 108
7. Nvèè Bá Nè Dõona Gbò Kọ Bàá Nyimá Kọọ̀ Jìhóvà Vulèè Va
(15 mínìt) Loa sọ́l.
Nyíéi palàge ẹẹ gè fã̀ Bàrì e pọ̀bkà kpãá ea íe dú vulè. (1 Jọ́ọ̀n 4:8, 16) Kpãà vulè e Jìhóvà íe ólò náa kọ é dũ̀ùà bã̀é kpàn vaá kilsĩ́ gè tõo bã̀é kpàn. Jìhóvà vulè dénè bẹ̀ì e dúù pá a gyóòlo.
È ólò pììgà bé e bẹẹ kpóó sim tùlà naa gè zogè íb vulè e Jìhóvà íe tení dú ló bá e sẹẹmà pá bẹẹ tọ, gbò e gé gbá fã̀ Bàrì nè dõona gbò. (Jóòb 6:14; 1 Jọ́ọ̀n 4:11) È ólò naa kọọ̀ dõona gbò á nyimá ló Jìhóvà vaá dũ̀ùà bã̀é kpàn tṍó e vulè va. Boo dõona bá, be née vulè dõona gbò, àé tavàlà vá ló gè nyimá kọọ̀ Jìhóvà vulèè va.
Bìlà VÍDIÒ Ea Kọlà E Beè Mòn Vulè Gbò E Bà Gé Nyoone Nvéè Kráìst Zẹ̀ẹ̀ Pá Tọọ̀ Jìhóvà. Tṍóá ò gbóó bĩiná gbò e bà gé pãané ni tṍ ló kọọ̀:
Éé ní eo nóò lọl ló nú ea beè naaá ló Lei Lei nè Mimi ea kil ló bé e gè zogè vulè dú bíi naaá ẽ́?
Éé ní eé láá naa kọbé gbò e gé gbá fã̀ Bàrì mon kọọ̀ Jìhóvà vulèè va ẹ́?
-
Ẹ̀b va belí gbò gyóòlo Jìhóvà ea palàge nvèè ka ló.—Ps. 100:3
-
Ló bel nè va mm̀ sĩ́deè ea é síè va kpóó ló.—Ẹ́fẹ. 4:29
-
Gbĩ́ gè nyimá bé e nu tọ́a vá ló naa tṍó eo gé zọ́ va naaá nu.—Máát. 7:11, 12
8. Nò Kpá Káí Bõ̀ònatõ̀ò
(30 mínìt) bt 5 togó ¶1-8, ńkpó ea di boo 39 náásĩ́
