9:62

Nen ea gé tú nom siimá tóm boo ól náa é sọtọ́ deè kọọ̀ nú ea dìé nvée á dulèèe, kọbé à láá sí a tóm leevè. Níà bé ea dì nàgé naaé, nen ea gé nyoone nvéè Kráìst náa é sọtọ́ deè kọọ̀ gbò nú ea beè sọ̀bá gbẹẹ́ kẽ mm̀ bàlà booí á kpáá dùlee.—Fíl. 3:13.

Tṍó e nu tavàlàí ló, à ólò valí gè bugi togó boo ‘tṍó ea kil nvéeá ea tõoí ló belí kọọ̀ nu géè leeí ló,’ be à sẹlẹ níà besĩ́ è kalá ba mm̀ kà kàí. Tṍó e náà vó, è tẹ́lẹ̀ pẹ̀lẹ ló zààvà e beè ié èlmà tã̀àgã̀ ea beè dìí ló tṍóá. Níà nú e pá Ízràẹ̀l beè naa tṍó e bà aa Íjèpt e. (Nóm. 11:5, 6) Be è bọọgẹ̀ bugi togó boo íb gbò nuá, àé láá naa kọ é kpáá gé naa gbò nú e beè aa ló gè naá mm̀ dùm. Ẹ̀b bé ea dú lé gè bugi togó boo gbò tã́áná dee bá e Bàrì gé néi kátogóí nè ge ká dẽe gbẹẹ́ boo gbò zààvà eé íe mm̀ a Boǹ Méné naaà!—2 Kọ́r. 4:16-18.