NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Noòmà Nú Ea É Tọ́á Ló Nen
Ge gbàn tṍ ló Bàrì ólò aa nyíè nen. (Pró. 3:1) Vóà naa, tṍó e gé nóòmà nuù nen, èé íè ge pììga boo gè noòmà mm̀ sĩ́deè ea é tọ́aẹ́ ló. Mósĩ́ deè e?
Ó gá dõogẽ noòmàe áá gbò kà kà bel ea di mm̀ Kpá Káí, sõò nvèè bá nèe kọ á dã́tẽ́ ló bé ea tọ́á ló a dùm nè a gbaa ló kilma ló Jìhóvà naa. Nvèè bá nèe kọ á dã́tẽ́ ló bé e gbò nòòkúu ea di mm̀ Kpá Káí zógè bé e Bàrì vulèi vaá dú neǹ lé lab dògò naa. Tú kyèèlè bĩimáe gbò bíb ea é náa kọ á bugi togó boo bé e gbò nú ea gé nó tọ́aẹ́ ló naa. Nvèè bá nèe kọ á bugi togó boo gbò nú ea náa vaá à dú bíi kọ á nyaaná a láb. Nyíé ni é palàge ẹẹ tṍó eo monì kọọ̀ nen eo ólò noòmà Kpá Káí vulè Jìhóvà lọa mm̀ a nyíe.
Ẹ̀B VÍDIÒ EA KỌLÀ IÉ Ẹ́Ẹ́ NYÍE EA AA LÓ GÈ NAA KỌỌ̀ GBÒ NEN Á NYOONE NVÉÈ KRÁÌST—SÌM KILSĨ́ MM̀ O KALÌ GÈ KỌỌMÁ KPẸ̀A—NOÒMÀ NÚ EA É TỌ́Á LÓ NEN, VAÁ Ò GBÓÓ AALÁ NAGBÒ BÍBVÍ:
-
Éé ní ea náa vaá Neeta beè bĩiná Jade kọọ̀: “É kọ o beè kpáá bugi togó boo nú e beè ló sọ́l boó deè Monday a?”
-
Mósĩ́ deè ní e Neeta beè nvèè bá nè Jade kọ á dã́tẽ́ ló bé e gbò nòòkúu ea di mm̀ Kpá Káí zógè kọọ̀ Jìhóvà vulèe naa ẽ́?
-
Be è ló bel mm̀ sĩ́deè ea tọ́á ló gbò e ólò noòmà Kpá Káí, àé náa kọ bàá sìm kilsĩ́
Mósĩ́ deè ní e Neeta beè nvèè bá nè Jade kọ á bugi togó boo bé ea é láá tẹlẹ bàlà kẽ kọ à vulèè Bàrì naa ẽ́?
