Kpá Káí kọ́ é sẹlẹ pá vígà e ba ni dú kànen mm̀ dee belí bẹẹ tẹ̀ nè bẹẹ kà, vaá è sẹlẹ gbò nvín ãa belí pá bẹẹ vígà. (Bugi 1 Tímotì 5:1, 2.) À palàge dú bíi kọọ̀ gbò gbálà á nvèè ka ló, vaá fã̀ dẽè gbò bia.

Gbò gbálà á gá sẹlẹ ló belí kọ bà íèè lèèmá mm̀ gbò bia àbèè ge naa nú ea é náa kọ lóó va á gá dĩ̀ìnà gbẹá vá kpàn. (Jóòb 31:1) Vígà págbálà ea gáà ili va á gá tú tọa ló vígà pábia ea gáà ia dóm bìlmà bil, tení dú ló gè naa nú ea é náa kọ á tõoé ló belí kọ à íèèe lèèmá m.

Gbò kànen mm̀ bõ̀ònatõ̀ò á palàge ẹ̀b nú ea kil ló gbò vígà pábia e bà tú bá fã̀ dẽe bĩimá va bíb, àbèè ge ló bel kilma ló nú ea bọ́ló kọ bàá tú láb tọ nyòòmà. Gbò kànen á palàge ẹ̀b nú ea kil ló gbò e dóm ea é kpenà va á gé vá ló.—Rúùt 2:8, 9.

Ẹ̀B VÍDIÒ EA KỌLÀ IÉ VULÀ E NÁA ÍE KE KÙBMÀ—KILMA LÓ GBÒ VAÀ TÃA NÈ GBÒ NVÍN E TẸ̀ Á GÉ LÓ MM̀ BÕ̀ÒNATÕ̀Ò, VAÁ Ò GBÓÓ AALÁ NAGBÒ BÍBVÍ:

• Mósĩ́ deè ní e pá vígà beè zogè kọ bà palàge vulèè Vígà Myint e?

• Mósĩ́ deè ní e bé e pá vígà vulè pá tọí naa beè sí neǹ ditõ̀ò nè gbò e bà di boná ẽ́?

• Mósĩ́ deè ní e bé e bõ̀ònatõ̀ò vulè Myint naa beè tọá ló a nvín pábia ẹ́?

Mókà sìgà sĩ́deè ní e olo é láá zogè kọ ò vulèè vaá ẹ̀b nú ea kil ló gbò vígà pábia e bà di mm̀ bõ̀ònatõ̀ò ẽ?