NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Zogè Kọ Ò Íèè Tọa Ló
Ge ié tọa ló dú tṍó eo dã́à ból ló bé e nen bugi togó naa, bé e nu tọ́aẹ́ ló naa, gbò nú ea léémáe, nè gbò nú ea biíe. Dõòna gbò é láá nyimá tṍó e íè tọa ló kìlmà vá ló. Vaá à ólò naa kọ é gbĩ́ gè nvèè bá nè va. Tṍó e íè tọa ló mm̀ bẹẹ sìtóm kọ̀ kpẹ̀a, è nóò bé e Jìhóvà ólò vùlè vaá ẹ̀b nú ea kilíí ló naa, vaá níí ólò naa kọọ̀ gbò nen á dũ̀ùà bã̀é kpàn.—Fíl. 2:4.
Níì áá bé e nóòmà nuù nen naa ní ea zógè kọ è íè tọa ló é nì; à bãà nàgé mm̀ bé e pãanè tṍ ló vaá ló bel naa, bé e lábvì láb naa, bé e túù bá loomá bel naa, nè bé e sẹlẹ̀ sĩ́ naa. È zógè kọ è íèè tọa ló tṍó e íè lèèma mm̀ dõòna gbò. È nveè kpíí ló gbò nú ea léémáe, gbò nú ea ziga ló, nè a dìtõ̀ò. È ólò ló gbò bel ea é dọ bélè vaá nvèè bá nèe, sõò née ólò tãgĩ́e bá kọ á nyaaá. Nyíéi ólò kpáá palàge ẹẹ mm̀ bẹẹ sìtóm kọ̀ kpẹ̀a tṍó e gbò e kọ́ọ̀ kpẹ̀a nè zaàva ló bẹẹ nvèè bá.
Ẹ̀B VÍDIÒ EA KỌLÀ IÉ Ẹ́Ẹ́ NYÍE EA AA LÓ GÈ NAA KỌỌ̀ GBÒ NEN Á NYOONE NVÉÈ KRÁÌST—SÌM KILSĨ́ MM̀ O KALÌ GÈ KỌỌMÁ KPẸ̀A—ZOGÈ KỌ Ò ÍÈÈ TỌA LÓ, VAÁ Ò GBÓÓ AALÁ NAGBÒ BÍBVÍ:
-
Mósĩ́ deè ní e Neeta beè zogè kọ à íèè tọa ló tṍó e Jade dú kpẹ̀ nvée ẽ́?
-
Mósĩ́ deè ní e Neeta beè zogè kọ à íèè tọa ló tṍó e Jade kọ́ọ̀ lóóe ọọlìè vaá náa é láá noè nu ẽ́?
-
Tṍó e zógè kọ è íè tọa ló, à ólò naa kọọ̀ gbò nen á dũ̀ùà bã kpàn Jìhóvà
Mósĩ́ deè ní e Neeta beè zogè kọ à íèè tọa ló tṍó e Jade kọ́ọ̀ náa ólò láá kpoogèè dee ló nu ẽ́?
