È íè bíi ló zìgà kọbé è láá aa kiẽ́e ea dĩinéi ló kil dõòna ketõ̀ò boo béè ge bọ̀ọ̀vẹ̀ gbàà bẹẹ sìtóm kọ̀ kpẹ̀a. (Híb. 11:8-10) Be ò gé bugi togó boo gè noo gè àà kil kiẽ́e e bíi bọọ, zọ̀ gbò kànen mm̀ bọọ bõ̀ònatõ̀ò loá bel boo. Gbò éé ní ea é dú bíi kọ ó zẹ́ẹ́ naa kọbé ò nyímá beè òó láá teá tùlà o nu sẹ̀ẹ̀a sĩ́í ẽ́? Bugi gbò kpá ea kọ́ nú ea kil ló gè kil kiẽ́e e bíi bọọ. Zọ̀ gbò e ba ni láá nyaaná tõ̀ò kil dõòna kà bõ̀ònatõ̀ò kiẽ́e bíi bọọ loá bel. (Pró. 15:22) Gbĩ́ tùle ea aa bá Jìhóvà tení dú ló gè tã̀àgã ló Bàrì. (Jém̀z 1:5) Gbĩ́ gè nyimá gã́bug nú ea kil ló kiẽ́e eo noò ge kìla, vaá be à válí ò tú gã́bug dee gbẹẹ́ sĩ́ zẹ́ẹ́ sì gé nyimá bé e kĩá meà naa besĩ́ ò kálá nè o béèlàfùl.

Ẹ̀B VÍDIÒ EA KỌLÀ O ZÌGÀ Á NAA KỌ Ó TÚ LÓÓ NÈ GE SÍ TÓM MM̀ BÕ̀ÒNATÕ̀Ò—KIL KIẼ́E E BÍÌ GBÒ KỌ̀ KPẸ̀A BỌỌ, VAÁ Ò GBÓÓ AALÁ NAGBÒ BÍBVÍ:

• Mókà gbò nu ànà-ànà ní ea beè dú bíi kọọ̀ Gabriel á bé èl bá ẹ́, vaá éé ní ea beè nvèè bá nèe ẽ́?