Pá vígà beè tú gã́bug tṍó nvee mm̀ ge emí nú ea kil ló gbò nu dòòmà bá ge dààmà togó loa sọ́l, vaá gã́bug pá vígà a láá palàge tú siimá tóm gbẹá kiẽ́e e bà ólò kọ́ kpẹ̀a. Náa kal ló béè vó, tã́gíní bé e dìtõ̀ò gbò nen dú kele-kele beeá ló bàlà booí á, pá vígà é láá sà ge tú dõòna bá kọọmá kpẹ̀a àbèè ge sà dõòna kà togó bel ea é léémá gbò e bà di kiẽ́e e bà ólò kọ́ kpẹ̀a. Sõò à bọ́ló kọọ̀ kọ̀láá nen á tõó boo gbò tùle e bà ne nyòòmà kele íb vèènùí. Bẹẹ nu sẹ̀ẹ̀a sĩ́ dú gè sí tóm e Jíízọ̀s beè nèi, ea dú gè kọ́ kpẹ̀a ea kil ló Boǹ Méné Bàrì.—Máát. 24:14.

Tṍó e bà gé sí tóm boo nú e ba beè nè nvín tọọ̀ kpá kọ á naa, a bọ́ló kọọ̀ gbò kọ̀ kpẹ̀a á ló bel boo togó bel nu dòòmà bá ge dààmà togó loa sọ́l ea di mm̀ Dùm Nè Kpá Bõ̀ònaló Sìtóm Kọ̀ Kpẹ̀a. Náa kal ló béè vó, áàbèè tṍó e bà kọ́ lèlà bá gè sií ló, bà di pọ́ì ge láá sà dõòna kà bíb, dọ̀ Kpá Káí, bíb gè ló sọ́l boo dõòna tṍó àbèè bá gè sií ló ea é léémá gbò e bà di kiẽ́e e bà ólò kọ́ kpẹ̀a. Níí nyááá ló tulè ea di boo 8 náásĩ́ mm̀ kpá bõ̀ònaló sìtóm níí June 2020.