GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Òó Láá Nvèè Bá Naa Kọọ̀ Nyíè Pá Bọọ Tọ Á Ẹẹ
À ólò tàn Jìhóvà kọọ̀ nyíè pá tọ á ẹẹ. (Ps. 127:3-5; Ẹ̀klì. 9:9; 11:9) Sõò, tã̀àgã̀ ea di mm̀ nakà bàlà booí nè lọ̀ buù nen ea di mm̀ tọ é láá naa kọọ̀ nyíéi á gá ẹẹ. Éé ní e buù nen ea di mm̀ tọ é láá naa kọbéè ẹ́ẹ́-ẹẹ̀ nyíe di mm̀ tọ ẹ́?
Dóm ólò nvèè ka ló a va. (1 Pít. 3:7) À ólò ié tṍó nèe. Náa ólò ẹ̀bmà dẽè nú e bè náa é láá naa lọ̀líé bá, vaá à ólò õáe zaa ló nú ea náa nè ẹlẹ nè pá a tọ. (Kọ́l. 3:15) À ólò lèèlàẹ vaá naa kọ á nyimá kọ à vulèèe.—Pró. 31:28, 31.
Va ólò gbĩ́ gbò sĩ́deè ge nvèèmà bá nè a dóm. (Pró. 31:12) À ólò tõó kẽè a lẹ̀ẹ̀là bel vaá zọ̀ẹ naa nú mm̀ gbaa ló. (Kọ́l. 3:18) À ólò tú lé bá loomá bel nèe vaá ló lé bel ea kilíé ló.—Pró. 31:26.
Gbò tẹ̀ nè kà ólò ié tṍó nè ba gbò nvín. (Dìt. 6:6, 7) Bà ólò kọ́ nè ba gbò nvín kọ bà vulèè va. (Máát. 3:17) Tṍó e bà gé lelé va dee bá, bà ólò naa vó mm̀ vulè nè tàvẹ̀nù.—Ẹ́fẹ. 6:4.
Gbò pá nvín ólò fã̀ dẽe vaá gbàntṍ ló ba tẹ̀ nè ba kà. (Pró. 23:22) Bà ólò kọ́ gbò nú e bà gé bugi togó boo nè bé e nu tọ́a vá ló naa nè ba tẹ̀ nè ba kà. Bà ólò fã̀ dẽe vaá tú lè-lè dee bá ea aa bá ba tẹ̀ nè ba kà.—Pró. 19:20.
Ẹ̀B VÍDIÒ EA KỌLÀ NVÈÈ BÁ NAA KỌỌ̀ NYÍÈ PÁ BỌỌ TỌ Á ẸẸ, VAÁ Ò GBÓÓ AALÁ NAKÀ BÍBVÍ:
Éé ní e buù nen ea di tọá beè naa ea náa kọọ̀ nyíè pá tọá á ẹẹ ẹ́?
