GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Éé Ní Eo Noò Sẹ̀ẹ̀a Sĩ́ Gè Naa Tṍó E Ãa Gbáá Sìtóm Kọ̀ Kpẹ̀a É Daaà Togó É?
Gbò nu sẹ̀ẹ̀a sĩ́ mm̀ ge fã̀ Bàrì bãàa mm̀ kọ̀láá kà tóm e túù agẹ bá siimá kọbé è láá kpáá palàge fã̀ Jìhóvà vaá naa kọọ̀ nyíée á ẹẹ. Gbò tómí ólò náa kọ é dú agẹ ló neǹ Kráìst vaá bélè eé íe lọl ló tulà dẽè kọ̀láá kà tṍó nè kói e nveè m. (1 Tím. 4:15) Éé ní ea náa vaá à bọ́ló kọ é olòó ẹ̀b gbò nú eé sẹẹ̀a sĩ́ lee é? Níí dú boo béè kọọ̀ bẹẹ dìtõ̀ò ólò nyaaá. Àé láá dú kọọ̀ nú e beè sẹ̀ẹ̀a sĩ́ tṍó ea kil nvéeá náa bọ́ná ló gè kpáá teá tùlà, àbèè kọọ̀ e teá tùlà vaá è gbĩ́ì ge noo dõona kà nu sẹ̀ẹ̀a sĩ́.
Kà lé tṍó gè noo nu sẹ̀ẹ̀a sĩ́ dú besĩ́ì ãa gbáá sìtóm kọ̀ kpẹ̀a kálá dààà togó. Òó láá loi sọ́l boo togó belí vaá noonii nu sẹ̀ẹ̀a sĩ́ e buù bọ̀ì nè pá bọọ tọ gbĩ́ gè teá tùlà tṍó eo íèì fã̀ pá tọ.
Gbò éé ní eo noò sẹ̀ẹ̀a sĩ́ gè naa mm̀ nagbò gáí é, vaá mókà gbò láb tọ ní eo noò ge tù kọbé ò láá teá tùlà ẹ?
Ge bugi Kpá Káí, ge nó nú boo o lóó, ge sí nònù, ge aalá bel gbẹá nònù.—w02 6/15 15 ¶14-15
Ge kọ́ kpẹ̀a.—w23.05 27 ¶4-5
Ge ié gbò kpãà neǹ Kráìst.—w22.04 23 ¶5-6
Ńdõona kà:
