GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
“Ge Kpènà Lé Kpẹ̀aí ‘Vaá Tẹlẹ Bàlà Kẽ Gbẹá Tọ Bèèla’”
Tṍó e gbò nàà uú boo beè pììga boo gè kpèg pá Ízràẹ̀l lọl ló gè kpáá tìb tọọ̀ káíá, gbò e bà géè tìb tọá beè pììga boo gè ié kpá log ea é sọ́va tọ́ deè kọ bàá láá kpáá tìb tọá. (Ẹ́zrà 5:11-16) Mm̀ tẽ̀ènè sĩ́deèá, gbò nyòòne nvéè Kráìst íe nagé tóm gè kpènà lé kpẹ̀aí vaá tẹlẹ bàlà kẽ gbẹá tọ bèèla. (Fíl. 1:7) Kọbé bà láá naa vó, ba beè nvèè Legal Department kẽ gbẹá world headquarter mm̀ gbáá 1936. Deè nieí, Legal Department ea di World Headquarter ólò ẹ̀b nu ea kuu gè kpènà lé kpẹ̀aí beeá ló bàlà booí. Mósĩ́ deè ní e nakà tọọ̀ tómí ni nveè sãa kúm sìtóm kọ̀ kpẹ̀a vaá dọ̀ bélè nè gbò níí Bàrì e?
Ẹ̀B VÍDIÒ EA KỌLÀ GE SÌ GÉ Ẹ̀B LEGAL DEPARTMENT EA DI WORLD HEADQUARTER, VAÁ Ò GBÓÓ AALÁ NAGBÒ BÍBVÍ:
-
Mókà gbò tã̀àgã̀ ní ea ni bã́ ló gbò Neǹ Ditõ̀ò Jìhóvà vaá bà nvee tọ bèèla ẹ́?
-
Mókà gbò bel ní ea ni léèi gbẹá tọ bèèla ẹ́? Nè nu dòòmà bá
-
Éé ní e buù bẹ̀ì é láá naa mm̀ ge “kpènà lé kpẹ̀aí vaá tẹlẹ bàlà kẽ” gbẹá tọ bèèla ẹ́?
-
Ãàe ea di boo bẹẹ website ní eé láá mòn gbò bel ea di tọ bèèla ea tọ́á ló gbò níí Bàrì nè béè Gbò Neǹ Ditõ̀ò Jìhóvà e bà sííva nvee kpọ́gọ́lọ́ boo béè ba zìgà ẹ?
