NÚ EA NÁA À DÚ BÍI: Belí nágé dõòna kà gbò nuù tóm e gbò nen ólò láá naamá nu, ge zọ̀ nen loá bel gbẹá boo íntanèt gé láá nvèè bá nèi àbèè à nveèi kom ló. Sìgà gbò e bà gé nyoone nvéè Kráìst sa ge kọọ̀ bà náa gé zọẹ̀ nen loá bel gbẹá boo íntanèt. Sìgà gbò e bà gé nyoone nagé nvéè Kráìst ólò zọ̀ pá ba tọ nè gbò kóò loá bel tenmá boo íntanèt. Kọ̀láá bé ea dì naa, Pọ́lọ́ Nyómá gbĩ́ kọ é tú sĩ́deè ge zọ̀ nen loá bel boo íntanèt naamá nu mm̀ bá e nyìmànù á gé m, ea dú sĩ́deè ea é láá kyọ̀ íb nen e dúù nè bẹẹ gbaa ló kilma ló Jìhóvà. Dì belí Jíízọ̀s, èé láá tú gbò nòòkúu ea di mm̀ Moǹ Bel Bàrì gbĩimá gbò gẹẹ-gẹẹ lóí mòn vaá è kpoolà lóó lọl ló.—Lúùk 4:4, 8, 12.

GBÒ NÚ EA É LÁÁ SIVÈ NEN EA BỌ́LÓ KỌ Ó ÒÒÀ AA LÓ:

• Ge bọ̀ọ̀gẹ̀ tú gã́bug tṍó zọ̀ọ̀mà nen loá bel gbẹá boo íntanèt. Ge tú gã́bug tṍó dììma boo íntanèt ló gè zọ̀ gbò nen loá bel gé láá tú tṍó e gáẹ̀ beè tú naamá nu ea kil ló gè fã̀ Jìhóvà lọ̀líí bá

  Gbò nòòkúu ea di mm̀ Kpá Káí: Ẹ́fẹ. 5:15, 16; Fíl. 1:10

• Ge ẹ̀b gbò nu e bè náa bọ́ló kọ ó ẹ̀b. Ge ẹ̀b gbò fùtó e bè náa bọ́ló ólò naa kọọ̀ nen á ié tàn ge olòó ẹ̀b kóló nen á ẹ̀b kóló kètẽ́ nen àbèè ge bã mm̀ dùm kúnà gã̀. Ge bugi gbò kpá àbèè nú ea aa bá gbò e bà kpọ́ kyáá kọ bà gé nyoonèe nvéè Kráìst boo íntanèt gé kyọgàlà bẹẹ zìgà

  Gbò nòòkúu ea di mm̀ Kpá Káí: Máát. 5:28; Fíl. 4:8

• Gè ló gbò bel e bè náa bọ́ló àbèè ge tú gbò o fùtó tẹlẹ boo íntanèt. Boo béè kọọ̀ bẹẹ nyíe dú kẹ̀lẹ̀ kẹ̀lẹ̀, àé láá tàn nen ge emí gbò bel e bè náa bọ́ló àbèè ge tú gbò a fùtó nvee boo íntanèt. Sõò níí gé láá kyọ̀gàlà íb nen ea dú àbèè ge ọọvẹ ló a zìgà

  Gbò nòòkúu ea di mm̀ Kpá Káí: Róm̀ 14:13; Ẹ́fẹ. 4:29

Ẹ̀B VÍDIÒ EA KỌLÀ: PALÀGE ỌẸ̀ DẼE TṌÓ EO GÉ TÚ ÍNTANÈT ZỌ̀Ọ̀MÀ NEN LOÁ BEL, VAÁ Ò TÚ GBÒ FÙTÓ EA DI KÈÍ TENMÁ BOO GBÒ NU E BÈ NÁA BÓLÓ KỌ É NAA: