Jíízọ̀s beè gbẹẹ nu dòòmà bá kẽ sẹ̀ẹ̀i kọ beele é nò, bọọ èlmà tõ̀ò, tṍó e tã̀àgã̀ àbèè bíígá ló síí sĩ́. (1 Pít. 2:21-23) Náa kal ló béè kọọ̀ ba beè nvèèmà lẹ́ Jíízọ̀s, ẹlẹ náa beè nvèèmàva lẹ́ òòma kẽ, bã̀àna tṍó ea gé mon tã̀àgã̀. (Máàk 15:29-32) Éé beè nvèè bá nèe kọ á ié ĩ̀ìmàe? A beè beeláfùl ge naa bùlà Jìhóvà. (Jọ́ọ̀n 6:38) A beè ka nágé dẽe gbẹẹ́ boo “ṍ kààgà e bà sẹlẹé sĩ́.”—Híb. 12:2.

È ólò labví láb naa vàẹ tṍó e bà tú pọ́lọ́ bá sẹ̀ẹ̀mài boo béè bẹẹ zìgà ẹ? Kà kà gbò e bà gé nyoone nvéè Kráìst náa ólò tú ‘pọ́lọ́ kpẽemá pọ́lọ́ nè nen.’ (Róm̀ 12:14, 17) Tṍó e nóò sĩ́deè bé e Kráìst beè ĩ̀ìma kèbá tã̀àgã̀ naa, èé gbóó láá ṍ kààgà boo béè kọọ̀ Bàrì ténmài.—Máát. 5:10-12; 1 Pít. 4:12-14.

Ẹ̀B VÍDÌO EA KỌLÀ: BÉÈ JÌHÓVÀ NÍ EA PALÀGE BỌỌ Ẹ́, VAÁ Ò ÁÁLÁ NAGBÒ BÍBVÍ:

• Mósĩ́ deè ní e Vaà Pötzinger * beè tú a tṍó naamá nu mm̀ nyìmànù tṍó ea beè di tọọ̀ kpọ́gọ́lọ́ e tọ́ọ̀ nen náa gé láá kãáe ẽ́?

• Mókà gbò tã̀àgã̀ ní e vígà Poetzinger nè a va beè ĩ̀ìma kèbá tṍó e ba beè di mm̀ kele kele concentration camp e?

• Éé beè nvèè bá nèva kọ bàá ié ĩ̀ìmàe?