NÚ EA NÁA À DÚ BÍI: Ge nó Moǹ Bel Bàrì boo bẹẹ lóó ólò nvèè bá nèi kọ é “nyimá . . . bé e [kà kà belá] bọọ́ gbàà, vaá bọọ́ beg, vaá bọọ́ gã boo, vaá bọọ́ kè tẽ́ naa.” (Ẹ́fẹ. 3:18) À ólò nvèè nàgé bá nèi kọ é gá ié kọ̀bèl vaá è láá tõó zẹ̀ẹ̀ gbò e ba di dùm náa lelà mm̀ nakà bàlà booí ‘boo tṍó e gé ló mon bel dùm nèva.’ (Fíl. 2:15, 16) Ge nó nu boo bẹẹ lóó ólò sọ̀tọ́ deè kọ é sà nu e íè bíi ló. Éé ní eé láá naa kọbé è palàge ié dọ̀ bélè lọl ló bẹẹ tṍó e túù nvee mm̀ ge bugi vaá nó Kpá Káí é?

BÉ EO É NÁA NAA:

• Nvèè kpíí ló gbò gã́bel vaá ò émí sìgà nu ló mm̀ ńlóò Kpá Káí, kabèè ní ea di dẽè kpá, boo fóòn, àbèè boo kòmpútà

• Bĩìà o bá gbò bíbví tṍó eo gé bugi Kpá Káí: ‘Mée ẽ́? Éé? Mó tṍó ẽ́? Ãàe? Ló éé? Mósĩ́ deè e?’

• Gbĩ́ gbò ààla ea kil ló. Tú gbò nuù gbĩ́ìmà tẽ́ ló nu ea ni íná kẽ gbĩimá togó bel àbèè dọ̀ Kpá Káí

• Bugi togó boo nu eo bugì kọbé ò dã́tẽ́ ló bé ea lóá bel nyòòmà olo naa

• Tú nu eo nóò siimá tóm mm̀ o dùm buu-buù dee.—Lúùk 6:47, 48

Ẹ̀B VÍDIÒ EA KỌLÀ: PALÀGE BII BÁ LÓ—TENÍ DÚ LÓ GÈ NÓ NU BOO O LÓÓ, VAÁ Ò ÁÁLÁ GBÒ BÍBVÍ:

• Mósĩ́ deè ní e sìgà gbò baatẽ́ ge nó nu boo o lóó é?

• Éé ní ea náa vaá èé tãagã̀ ló Bàrì kọ̀láá tṍó besĩ́ è kálá dààmà togó gè nó nu boo bẹẹ lóó é?

• Éé ní ea é láá nvèè bá nèi kọ é palàge dã́tẽ́ ló dọ̀ Kpá Káí é?

• Mó íb ge nvèè kpíí ló nu ní eé láá nvee mm̀ bẹẹ Kpá Káí e ólò noomá nu boo bẹẹ lóó é?

• Éé ní ea náa vaá gè bugi togó à palàge dì bíi tṍó e gé nó Moǹ Bel Bàrì e?

• Éé ní ea bọ́ló kọ é tú gbò nu e nóò naamá ẽ́?