GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Sà O Kólì Kyáà Mm̀ Sĩ́deè E Nyìmànù Di M
Éé ní ea náa vaá èé tú nyìmànù sààmà bẹẹ kólì kyáà ẹ? Boo béè kọọ̀ tṍó e saà vídiò ge ẹ̀b, sọ́l ge gbàntṍ ló, website ge bã boo, kpá gè bugi, àbèè gbò vídíó gem̀ ge bìlà, è gé sa nu eé ḿm̀-mè bẹẹ bùlà boo. Gbò nu e saà é palàge tọá ló bẹẹ láb. À dú pọ́lọ́ kọọ̀ gã́bug gbò nuù kólmà kyáà ea di deè nieí dú gbò nu e Jìhóvà ọ́bví. (Ps. 11:5; Gàl. 5:19-21) Boo béè vóí, Kpá Káí à gboó sièi kpóó ló kọ é olòó bugi togó boo gbò nu ea é léémá Jìhóvà.—Fíl. 4:8.
Ẹ̀B VÍDIÒ EA KỌLÀ: MÓKÀ KÓLÌ KYÁÀ NÍ E NDA É SA Ẹ́? VAÁ Ò ÁÁLÁ GBÒ BÍBVÍ:
-
Mósĩ́ deè ní e bìlà bil e pá Róm̀ beè olòó bìlà tṍó ea kil nvéeá bélí sìgà gbò kólì kyáà ea di deè nieí é?
-
Mósĩ́ deè ní e gbò e bà di mm̀ bõ̀ònatõ̀ò é láá nvèè bá nè gbò nvín ãa kọ bàá tú nyìmànù sààmà ba kólì kyáà ẹ?
-
Mósĩ́ deè ní e kpá Róm̀ 12:9 é tọ́á ló íb gbò kól kyáà eé kólíé?
-
Mókà sìgà gbò nu dòòmà bá ea kil ló lé kólì kyáà ní ea di o ketõ̀ò ẽ?
