È íè gbò e bà ni tú gã́bug gbáá fã̀àmà Jìhóvà mm̀ bẹẹ gbò bõ̀ònatõ̀ò. Èé láá nó nu lọl ló bé e bà dọ bẹ̀là Jìhóvà naa. Èé láá bĩiná va nòòtẽ́ ea kil ló bõ̀ònatõ̀ò Jìhóvà nè gbò ànà-ànà e bà ni téní bá nè bé e ba beè láá bé èlbá tení dú ló nvèè bá ea aa bá Jìhóvà naa. Èé láá kolí va domá bẹẹ Fã̀ Pá Tọ vaá è bĩ́íiná va gbò nú e bà ni téní bá.

Be à gá náa vaá o tú gã́bug gbáá fã̀àmà Bàrì, di kpènà ló gè kọ́ gbò nú eo ni téní bá nè gbò e bà ã́àa fã̀ Bàrì. Jékọ̀b nè Jósẹ̀f beè kọ́ gbò nú e baala beè tení bá nè ba gbò nvín. (Jén. 48:21, 22; 50:24, 25) Tṍó e tṍó téní, Jìhóvà beè kọ́ nè gbò togó boo tọ kọ bàá noòmà nu ba gbò nvín ea kil ló gbò a tóm dũ̀ùnè. (Dìt. 4:9, 10; Ps. 78:4-7) Deè nieí, gbò tẹ̀ nè kà bií ló dõòna gbò e bà di mm̀ bõ̀ònatõ̀ò é láá kọ́ gbò tóm dũ̀ùnè e Jìhóvà ni sí tení dú ló a bõ̀ònatõ̀ò nè gbò nvín ãa.

Ẹ̀B VÍDIÒ EA KỌLÀ GE OLÒÓ GBAAÁ LÓ PÁ VÍGÀ TṌÓ E BÀ KUB BẸẸ TÓM, VAÁ Ò GBÓÓ BĨINÁ NAGBÒ BÍBVÍ:

• Mósĩ́ deè ní e tọ nàà tóm ea di Austria beè nvèè bá nè pá vígà mm̀ sìgà gbò dó e ba beè kùb bẹẹ tóm ẽ́?

• Mósĩ́ deè ní e pá vígà e bà di mm̀ gbò dóí beè naa kọọ̀ ba zìgà á agaló é?

• Éé ní ea beè naa vaá gã́bug gbò kọ̀ kpẹ̀a e bà di dó Romania beè kpòòlà lóó lọl ló bõ̀ònatõ̀ò Jìhóvà ẹ, vaá mósĩ́ deè ní e ba beè kpáá òòa kẽé?

• Mósĩ́ deè ní e gbò nú e ba beè tení báí agẹlẹ ló ńlóò zìgà ẹ?