GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Láá Emí Kà Lé Kpá Lẹ̀ẹ̀la Tóm
NÚ EA NÁA À DÚ BÍI: Kpá Kọ́rìnt dú ene kà gbàà 14 kpá e Pọ́ọ̀l beè emí vaá lẹ̀ẹ̀là mm̀ ge siè kpóó ló pá vígà e bà gé nyoone nvéè Kráìst. Tṍó e nen émí kpá lẹ̀ẹ̀la tóm, à ólò tú ọ̀ẹ̀ dẽe sààmà gbò bel ea é ló, vaá gbò ea émí màa é láá olòó bugi tení boo gã́bug tṍó. Ge emí kpá lẹ̀ẹ̀la tóm dú enè kà lé sĩ́deè ge kọọmá kpẹ̀a nè pá bẹẹ dúà ló àbèè gbò e nyímà ló. À dú nágé enè kà lé sĩ́deè ge láá kọọmá kpẹ̀a nè gbò e bè née láà zọ̀va loá bel sĩ́ nè sĩ́. Dì belí nu dòòmà bá, be à sẹlẹ nen beè ié lèèma ló gè dã́ kpẹ̀aí, sõò à tavàlà ge mònié tọ. Àé láá tàvàlà ge iná ló sìgà gbò e bà di kiẽ́e e ólò kọ́ kpẹ̀a boo béè kọọ̀ bà di mm̀ be e bà ólò kùdẽe ló, be e bà be gònò tenmá ló àbèè kiẽ́e ea di kpã́á aa ló gbò nen. Sìgà gbò éé ní eé láá sẹ̀ẹ̀a bùlà, èlmà tõ̀ò tṍó e gé émí kpá má neǹ kyáà ẹ?
BÉ EO É NÁA NAA:
-
Kọ́ nú eo gáẹ̀ beè kọ́ nèe be o beè monai sĩ́ nè sĩ́. Dààmà togó tení dú ló gè emí nú ea kil ló o bá, vaá ò kọ́ lèlà nú ea náa vaá ò emí kpáí. Be à válí ò bĩ́íná bíb ea é náa kọ á bugi togó boo, vaá ò do bá bẹẹ website nèe. Tṍóá ò gbóó kọ́ nèe nú ea kil ló Online Bible Study Lessons, kọ́ nèe nòònù ea kil ló nò Kpá Káí tọ, àbèè ò émí sìgà togó bel ea di mm̀ kpá e ólò noòmà gbò nen. Òó láá tú kpá ea dì belí, kóntákt kaàd, kpá kól, àbèè trákt bií ló
-
Á gá bọọ́ beg. Nú eo émì á gá bọọ́ tõ̀ò kọbé náa ḿmá nen ea gé bugi.—Ẹ̀b nu dòòmà bá bé eo é láá emí kpá lẹ̀ẹ̀la tómí naa boo 8 náásĩ́
-
Kpáá bugi tení boo kọbéè be lọ̀ di gbàà ò mon. Mòn kọ á valí gè bugi, á kyãa mm̀ gbọ́ọ́-gbọọ̀ ló, tú kyèèlè emá, vaá á dú lé. Zalí stám̀p ea dú bíi ká boo o émvẹlòp.
