• Tú nómbà kiẽ́e eo ólò tõo emí boo émvẹlòpá. Be à gá náa vaá à tõó ní ló belí kọọ̀ náa dú lé gè emí kiẽ́e eo ólò tõo, òó láá tú níí Kíngdòm Họ́ọ̀l emí boo é be gbò kànen sọtọ́ deè. Kọ̀láá bé ea dì naa, Ó GÁ tú nómbà tọ nàà tóm emí boo di belí kiẽ́e eo ólò tõo.

• Be ò nyímà a bée ò émí. Níí é náa kọọ̀ á gá bugi togó kọ níà kpá ge ùlmà ki.

• Gbò súú kpá eo émà, pọ̀b súú bel bèkéè, nè bé eo tọ́ọ̀ nu ló àbèè boo naa á lèlà. O kpá lẹ̀ẹ̀la tóm á õ̀òa ló. Be ò túù bá emá, á õ̀òa dẽe kọbé à válí gè bugi. O bel á gá bọọgẹ̀ dú kpéè tégélé àbèè moǹ bel ea tavàlà ge dã́tẽ́ ló.

Ńkem̀ nu dòòmà bá bé eo é láá emí kpá lẹ̀ẹ̀la tómí naa ea di kĩí baatẽ́ gbò gáí. Ó gá emí gbõ̀ònà bé ea di kĩí naa kọ̀láá tṍó eo gbĩ́ì ge emí kpá lẹ̀ẹ̀la tóm má nen ea di kiẽ́e eo ólò kọi kpẹ̀a. Emí o kpá lẹ̀ẹ̀la tóm nyòòmà tóm̀ bùlà ea di nvée nè bé e dìtõ̀ò bọọ bálásĩ́ dì naa.