Gbò nú e nen monmà dẽe ólò naa kọọ̀ nen á pãane tṍ vaá nvèè bá nèe kọ á palàge dã́tẽ́ ló nè ge kẽ̀èa boo nú e ba beè noòmàe. Bẹẹ Pọ̀bkà Neǹ Nóòmà Nu, ea dú Jìhóvà beè tú nu e nen monmà dẽe siimá tóm mm̀ ge noòmà agẹbá nuù gbò nen. (Jén. 15:5; Jèr. 18:​1-6) Jíízọ̀s ea dú Pọ̀bkà Neǹ Dòbá beè tuná gé nú e nen monmà dẽe nvee mm̀ a nòòmà nù. (Máát. 18:​2-6; 22:​19-21) Ene kà gbàà gbò nu e nen monmà dẽe ea palàge dọ̀ bélè kátogóí dú vídiò. É kọ ò gé tú gé vídiò siimá tóm boo bá ea bọ́ló tṍó eo gé nóòmà nuù nen eo ólò noòmà Kpá Káí?

A dú gè naa òb kà vídiò ea é nveè bá nèi kọ é noòmà bróshọ̀ ea kọlà Lé Kpẹa Ea Aa Bá Bàrì! Togó bel buù kà vídiòí gbáá ló enè kà gbàà gbò bíb e bà émà pọ̀b súú kpá ea di mm̀ bróshọ̀í. Ní ea di boo íntanèt fáálá líǹk ea é kẽeí nyíe tṍó eé zógè buù kà vídiòí. Nagé, dõòna kà gbò vídiò ea dì, gbáá ló kele-kele kpá ea di zẹ̀ẹ̀ Gbò Kpá E Ólò Kọọmá Kpẹ̀a.

É kọ ò gé lóai sọ́l boo togó bel ea di mm̀ Kpá Káí ea é láá tavala ló nen eo gé nóai nu gè dã́tẽ́ ló? Àbèè kọọ̀ é kọ nen eo gé nóòmà nuí dì ea gé téní bá ànà-ànà? Gbĩ́ zẹ̀ẹ̀ gbò vídiò ea di boo jw.org/⁠gkn nè JW Broadcasting® kọbé ò mon ní ea é nveè bá nèe. Be à válí, olo nè nen eo ólò noòmà nu á gbá ẹ̀b ene kà ea di zẹ̀ẹ̀ vaá ò lói sọ́l boo.

Bà ólò tẹlẹ̀ ãa-ãa vídiò bàlà kẽ buù ẽ́. Tṍó eo gé ẹb, bugi togó boo bé eo é láá tú siimá tóm naa tṍó eo gé nóòmà nuù dõòna gbò.