GE TÕÓ DÚM DÌ BELÍ GBÒ E BÀ GÉ NYOONE NVÉÈ KRÁÌST
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Kọ́ Kpẹ̀a Nè Gbò Gímá Dẽe
NÚ EA NÁA VAÁ À DÚ BÍI: Lóó gã́bug gbò gímá dẽe náa ólò taaá ló gè zọ̀ gbò kyáà loá bel. Vóà naa, à bĩ́íná kalì gè láá kọ́ kpẹ̀a nè va. Jìhóvà ólò palàge vùlè gbò gímá dẽe. (Lìv. 19:14) Èé láá nó a nu dòòmà bá tení dú ló gè ié tàn nyòòmà ge nvèè bá nè gbò gímá dẽe kọ bàá láá nyimá ló Jìhóvà.
BÉ EO É NÁA NAA:
-
“Gbĩi’ ’ gbò gímá dẽe. (Máát. 10:11) É kọọ̀ ò nyímà tọ e nen gímá dẽe dì? É kọọ̀ à íe tọọ̀ kpá, kiẽ́e e bà ólò ẹ̀b nú ea kil ló gbò gímá dẽe, àbèè dõòna ketõ̀ò e gbò nen ólò bõoná ea di kiẽ́e eo ólò kọi kpẹ̀a, ea íe gbò ea é léémá va gè bugi kpá gbò gímá dẽe?
-
Íe va lèèma m. Tṍó eo túù kà lé bá bã̀àma ló gbò gímá dẽe vaá zogè kọ ò bulàẹ̀ nú ea kil vá ló, lóó va ólò taaá. Zọ̀ va loá sọ́l boo gbò togó bel ea é léémá va gè dã̀
-
Nè va kpá ea é náa kọ bàá láá nyimá ló Jìhóvà. Bõ̀ònatõ̀ò Jìhóvà a emí gã́bug kpá ea é láá nvèè bá nè gbò gímá dẽe àbèè gbò e bà náa láà moǹ nu leevè. Bĩiná néná bé ea é léémáe gè nó nu naa. Neǹ kànen mm̀ bõ̀ònatõ̀ò ea ólò tulè tóm kọ̀ kpẹ̀a á kọ́ nè nen ea ólò dõo kpá bõ̀ònatõ̀ò kọ á mòn kọọ̀ gbò gímá dẽe íe gbò kpá e bà íe bíi ló.
