Buù gbáá, è ólò pììgà ge kolí gbò e bà di kiẽ́e e ólò kọ́ kpẹ̀a siimá kẽè Sẹ̀lẹ̀nù Ge Kẽ̀èa Boo Ú Kráìst. Gã́bug ọ̀và dú gbò kyáà. À bọ́ló kọ é kolí nágé gbò e nyímà ló. Gbò e nen e bà nyímá ló beè kolí va ní e bà ólò bọ̀ọ̀gẹ̀ sìe. (yb08 11 ¶3; 14 ¶1) Bà méé ní ea dú sìgà gbò eo é láá kolí é?

• Pá o dúa ló

• Gbò eo ólò zọ̀ siá tóm àbèè kọ ò gbáà dií tọọ̀ kpá

• Pá o kègyṍó

• Gbò eo ólò kãa nè gbò eo gé nóòmà Kpá Káí kátogóí àbèè tṍó ea kil nvéeá

Nagé, gbò kànen mm̀ bõ̀ònatõ̀ò é kólí gbò e lóó va ọọ. Vaá be è nen eo nyímà ló náa ólò tõó kiẽ́e eo ólò kọ́ kpẹ̀aà? Òé láá nyimá tṍó nè kiẽ́e e Sẹ̀lẹ̀nù Ge Kẽ̀èa Boo Ú Kráìst é sẹ̀ẹ̀a gbẹá kiẽ́e ea dì, be ò síì kiẽ́e ea kọlà ABOUT US ea di boo jw.org, vaá ò gbóó naa klíìk “Memorial.” Tṍó eo gé kpóógá dee ló nyòòmà sẹ̀lẹ̀nùí gbááí, bugi togó boo gbò eo é láá kolí, vaá ò gbóó kolí va.