Jìhóvà gbĩ́ kọ é fãàe boo béè kọ è vulèe. (Mt. 22:​37, 38) Vulè e gbò e ólò noòmà Kpá Káí íe kilma ló Bàrì ní ea ólò naa kọ bàá láá nyaaná ba dùm vaá elá àgàlà kèbá ẹ̀bmà ẽ. (1 Jọ́ọ̀n 5:3) Vulè e bà íe kilma ló Bàrì ní ea é síè va kpóó ló kọ bàá dììa múú ẽ́.

Nvèè bá nè gbò eo ólò noòmà Kpá Káí kọ bàá mòn bé e Bàrì vulè va naa. Bĩiná va gbò bíb ea dì belí: “Éé ní e níí noòmà ni kilma ló Jìhóvà ẹ?” àbèè “Mósĩ́ deè ní e níí zógè kọọ̀ Bàrì vulè ni ẽ́?” Nvèè bá nè va kọ bàá mòn bé e Jìhóvà gé nveè bá nè va naa. (2 Kró. 16:9) Kọ́ nè va bé e Jìhóvà beè aalá gbò o tã̀àgã ló naa, vaá ò síè va kpóó ló kọ bàá nvèè kpíí ló bé e Jìhóvà áálá ba tã̀àgã ló naa. Nyíéi ólò palàge ẹẹ tṍó e monì kọọ̀ gbò e ólò noòmà Kpá Káí mon kọọ̀ Jìhóvà vulèè va, vaá baala à zogè nàgé kọ bà vulèèe vaá gbĩ́ gè dú a kóò.

Ẹ̀B VÍDIÒ EA KỌLÀ NVÈÈ BÁ NÈ GBÒ EO ÓLÒ NOÒMÀ KPÁ KÁÍ KỌ BÀÁ TONÍ KÀ LÉ GBAA LÓ KILMA KIẼ́E JÌHÓVÀ DÌ, VAÁ Ò GBÓÓ AALÁ NAGBÒ BÍBVÍ:

• Mókà nu ànà-ànà ní e Jade beè kpee sĩ́ ló é?

• Mósĩ́ deè ní e Neeta beè nvèè bá nè Jade e?

• Mósĩ́ deè ní e Jade beè láá bé èlbá a nu ànà-ànà ẽ?