Gbò tã̀àgã̀ e gé téní bá é láá vàlẹ̀ bá ọọvẹ́i ló, èlmà tõ̀ò tṍó e náa valẹ̀ bá tà. Dévìd beè nyimá kọọ̀ tã̀àgã̀ ea gé ténìè bá ea aa bá Méné Sọ́ọ̀l é beè iná kùbmà enè dee, vaá ẹlẹ ní ea é gbóó duè méné belí bé e Jìhóvà beè zìgà naaá ẽ́. (1 Sám. 16:13) Zìgà Dévìd beè nvèè bá nèe kọ á láá ié ĩ̀ìmà vaá elá bànà Jìhóvà.

Tṍó e di kèbá tã̀àgã̀, èé láá tú nyìmànù, tàvẹ̀nù, àbèè ge láá bugi togó boo nu leevè nyaamá bá ló dìtõ̀ò e kpeè sĩ́ ló. (1 Sám. 21:​12-14; Pró. 1:4) Náa kal ló béè vó, sìgà tàvàlà dìtõ̀ò náa é tá bã̀àna tṍó e ni náa kọ̀láá kà nú eé láá naa, ea gbááá ló gbò nòòkúu ea di mm̀ Kpá Káí. Tṍó ea meà naa vó, èé íè ge ié ĩ̀ìmà vaá elá bànà Jìhóvà. Pọ́ì ńkem̀ tṍó àla, àé nveè kùbmà ló dénè tã̀àgã̀ gbò nen, vaá àé “fãanà dénè ba gĩ́i tó lọ̀l.” (Kùùà 21:4) Kọbè à gá náa kùbmà à bã ló bẹẹ tã̀àgã̀ tení dú ló nú e Jìhóvà náa, àbèè kọọ̀ dõòna kà nu ní ea nveè kùbmà ló é, è agàla boo kọọ̀: Kọ̀láá kà tã̀àgã̀ íe deé ea é íná kùbmà. Nakà kà kà belí é láá nvèèi nyíé gbàà.

Ẹ̀B VÍDIÒ EA KỌLÀ GBÒ E BÀ GBÁÁÁ LÓ MM̀ BÀLÀ BOÓ EA POOÀ, VAÁ Ò GBÓÓ AALÁ NAGBÒ BÍBVÍ:

• Mókà gbò ànà-ànà ní e pá vígà e bà di deè gbọ̀lọ̀-gbọ̀lọ̀ ea di United State beè kpee sĩ́ ló é?

• Mósĩ́ deè ní e ba beè zogè kọ bà íèè ĩ̀ìmà nè vulè e?

• Mósĩ́ deè ní e ba beè kilsĩ́ gè ká bùlà gbẹẹ́ boo gbò “nu e a palà ge dú lé” é?​—Fíl. 1:10