Dévìd beè bé èlbá Gòláíàt boo béè kọọ̀ a beè dẹ̀ẹ̀a boo Jìhóvà. (1 Sám. 17:45) Jìhóvà di kpènà ló gè zogè a kpóó boo pá a gyóòlo. (2 Kró. 16:9) Mósĩ́ deè ní eé láá dẹ̀ẹ̀a boo nvèè bá ea aa bá Jìhóvà, tãa vó e dẹẹ̀a boo bẹẹ nyìmànù nè gbò nú eé láá naa ẽ́? Taà sĩ́deè eé láá naamá níí dú:

• Gè olòó tã̀àgã ló Bàrì. Níì áá gè tã̀àgã ló Bàrì kọ á ia ló nèi tṍó e síì pọ́lọ́ nì, sõò èé ban nagé kọ á nèi kói gè láá beemá èlbá ẹ̀bmà. (Mt. 6:​12, 13) Níì áá gè bàn tã́áná dee bá ea bá Jìhóvà boo gbò béèlàfùl e ni ne lọ̀l nì, sõò èé ban nagé tùle nè nyìmànù ea aàẹ́ bá besĩ́ è kálá nè béèlàfùl.​—Jém̀z 1:5

• Ié nòònù ge olòó bugi nè ge nó Kpá Káí. Bugi Kpá Káí kọ̀láá dee. (Ps. 1:2) Tú tṍó bùgmà togó boo gbò nu dòòmà bá ea di mm̀ Kpá Káí, vaá ò tú gbò nú eo nóò siimá tóm. (Jém̀z 1:​23-25) Kpoogá dee ló nyòòmà sìtóm kọ̀ kpẹ̀a tãa vó eo dẹẹ̀a boo áá nú eo nyímà. Ié gbõ̀òme bélè lọl ló gbò nònù tení dú ló gè olòó tú tṍó gbẹẹ́ sĩ́ tení boo gbò nú e bàé nó gbẹá nònù

• Gbaá ló bõ̀ònatõ̀ò Jìhóvà. Gbĩ́ gè nyimá gbò ãa tùle e bõ̀ònatõ̀ò ne, vaá ò piigà ge vàlẹ̀ bá siimá tóm. (Nóm. 9:17) Gbàntṍ ló gbò kànen tṍó e bà ne dùùlà bá deè tṍ nè tùle.​—Híb. 13:17

Ẹ̀B VÍDIÒ EA KỌLÀ NÁA DÚ BÍI GÈ SIIÁ PỌ̀ LÓ BÍÍGÁ LÓ, VAÁ Ò GBÓÓ AALÁ NAGBÒ BÍBVÍ:

• Mókà síìà pọ̀ ní e gbò vígà págbálà nè pábiaá beè ié é?

• Éé ní ea beè nvèè bá nè va kọ bàá láá bé èlbá ba síìà pọ̀ ẹ?