Áá gbò e bà tõó dùm ea õoà ní e bàé láá dé kpéè ló ge zọ̀ Jìhóvà bã̀àà kóò e. (1 Pít. 1:​14-16) Tṍó e gbò e ólò noòmà Kpá Káí láá bé èlbá pọ́lọ́ láb, àé láá dọ̀ bélè nè va mm̀ ba tọ, naa kọ bàá ié válá ló, vaá naa kọ bàá láá kùbmà kpègè.

Palàge baatẽ́ gbò nòòkúù Jìhóvà ea kil ló õ̀òa láb, bug ea di nvée, nè bélè ea di ló gè gbàntṍ ló. Ká bùlà gbẹẹ́ boo gè nvèè bá nè gbò eo ólò noòmà Kpá Káí kọ bàá nyaaná bá ló ba bug togó, kọbé bà láá naa nú ea léémá Jìhóvà. (Ẹ́fẹ. 4:​22-24) Naa kọ bàá àgala boo kọọ̀ tení dú ló nvèè bá ea aa bá Jìhóvà, bà é láá bé èl bá gbò pọ́lọ́ láb ea beè dì vá m dú kpã́á deeá. (Fíl. 4:13) Noòmà va kọ bàá olòó bàn nvèè bá ea aa bá Jìhóvà tṍó e bà íe tàn ge sí pọ́lọ́. Nvèè bá nè va kọ bàá nyimá gbò dìtõ̀ò ea é láá naa kọ bàá ié tàn ge sí pọ́lọ́, vaá kpòòlà lóó lọl ló. Siè va kpóó ló kọ bàá naa gbò nú ea é dọ bélè nè va tãa vó e bà náa gbò nú e náa dú lé. Nyíé ni é ẹ́ẹ tṍó eo monì kọọ̀ gbò eo ólò noòmà Kpá Káí láá nyaaná ba dùm, tení dú ló nvèè bá ea aa bá Jìhóvà.

Ẹ̀B VÍDIÒ EA KỌLÀ NVÈÈ BÁ NÈ GBÒ EO ÓLÒ NOÒMÀ KPÁ KÁÍ KỌ BÀÁ KÙB GE LABVÍ GBÒ LÁB E BÈ NÁA ÕOÀ, VAÁ Ò GBÓÓ AALÁ NAGBÒ BÍBVÍ:

• Mósĩ́ deè ní e gbò kànen nè Neeta beè zogè kọ bà dẹlẹ̀ẹ̀ nyíé boo Jade e?

• Mósĩ́ deè ní e Neeta beè kpáá nvèè bá nè Jade e?

• Mósĩ́ ní e Jade beè gbĩ́ nvèè bá lọl bá Jìhóvà ẹ?