GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Sĩ́deè Ge Nvèèmà Bá Tṍó E Kyọ̀àsĩ́ Nu Ni Nááá Lọ̀l
Búùló kyọ̀àsĩ́ nu dì ea gé kpáá palàge naaá deè nieí. Tṍó e búùló kyọ̀àsĩ́ nu nááá, à ólò dú bíi gè palàge noo nu leevè kọbé bà láá ẹ̀b nú ea kil ló gbò e búùló kyọ̀àsĩ́ nu nááá ló. Níà nú ea náa Gbò Ge Tulè Tóm à noo Disaster Relief Department sẹlẹ́ buù kà tọ nàà tóm ẽ́.
Tṍó e pá vígà e bà ólò nvèè báí dã́ kọọ̀ kyọ̀àsĩ́ nu nááá enè ketõ̀ò, bà ólò gbẹá boo zọ̀ gbò kànen mm̀ bõ̀ònatõ̀ò e bà di kĩá loá bel boo bé e bàé láá nvèè bá nè pá vígà e bà íe bíi ló nvèè bá naa. Beè kyọ̀àsĩ́ nuá aga bá naa ní e áá pá vígà e bà di kĩá náa é láá nvèè bá nèà ba bá, tọ nàà tóm ólò gbóó lẹ̀ẹ̀là gbò e bà sim tùlà e bàé gyaàma sĩ́ ló tóm gè nvèè báí. Gbò vígà e bà gé tú tómí gyààma sĩ́í é láá ié bíi ló gbò e bàé tú lóó nè àbèè gbò e bàé láá dõo enè íb nu ea dì bíi, àbèè gbò e bàé sí gé zalí nu vaá dõo nè pá vígà e bà di kĩá.
Gã́bug bélè di ló gè naa nú mm̀ na sĩ́deèí. Níí ólò naa kọọ̀ buù nen á nyimá ló tóm ea kuúe bá gè sì, bà náa é gyúúmi, vaá pee gã́bug kpègè nè gbò nu gè nvèèmà bá, ea dú nú ea gáẹ̀ beè láá naaá beè buù nen beè dõogẽ naa nu boo a lóó.
Pá vígà e tọ nàà tóm beè lẹ̀ẹ̀làí é láá kọ́ gã́bug kpègè nè gã́bug nen e bà íe bíi ló mm̀ ge nvèèmà bá. Bàé láá bã̀ nàgé ló gbò e kpóó lẹ̀ẹ̀là bel di bá e bà di kĩá, e bàé láá nvèè bá kọ bàá sí ba tóm leevè. Vóà naa buù nen á gá dõogẽ labví gi kpègè lọl bá pá vígà, ógá dõogẽ dõo nagé nu tẹlẹ tọ́ọ̀ ketõ̀ò, àbèè ge dõogẽ àà kil kiẽ́e e kyọ̀àsĩ́ nu nááá e bà gáà kolí ni.
Náa kal ló béè vó, è ólò gbĩ́ gè nvèè bá tṍó e búùló kyọ̀àsĩ́ nu nááá. (Híb. 13:16) È vulè pá vígà! Éé ní eé láá naa ẽ́? Pọ̀bkà nú eé láá naa dú gè tã̀àgã ló Bàrì má pá vígà e bà di kiẽ́e e kyọ̀àsĩ́ nu nááá, nè gbò e bà gé nveè bá nè va. Èé láá nè nàgé lọ̀là-lọ̀là ge nvèèmà sãa kúm tóm kọ̀ kpẹ̀a ea gé síá beeá ló bàlà booí. Tọ nàà tóm ní ea palàge nyimá kiẽ́e e be bà tú gbò kpègèí siimá tóm àé palàge dọ̀ bélè e, vaá bà ólò naa níí kèbá tulè ea aa bá Gbò Ge Tulè Tóm. Be ò gbĩ́ gè nvèè bá, òó láá nè lóó tení dú ló gè naa fíìl fóòm ea kọlà Local Design/Construction Volunteer Application (DC-50).
Ẹ̀B VÍDIÒ EA KỌLÀ TÙ MÚÚ EA BEÈ PALÀGE KYỌ̀SĨ́ NU EA BEÈ NAAÁ BRAZIL, VAÁ Ò GBÓÓ AALÁ NAKÀ BÍBVÍ:
Éé ní ea léémá ni ea di ló tóm gè nvèè bá e Gbò Neǹ Ditõ̀ò Jìhóvà beè sì tṍó e tù múú nááá Brazil lọ̀l mm̀ gbáá 2020 e?
