Vulà níà góm̀ ea ólò sii pá tọ bii ló ene. Beè vulà á gé, àé tavala ló pá tọ gè gbá naaá nu. Mósĩ́ deè ní e gbò dóm, gbò va, ne gbò tẹ̀ nè kà é láá ié vulè kilma ló pá ba tọ ẹ́?

Dóm ea íe vulè é bugi togó boo gbò bíì a va, bé ea ẹb nu naa, nè bé e nu tọ́aẹ́ ló naa. (Ẹ́fẹ. 5:28, 29) Àé ẹb nú ea kil ló gbò bíì pá a tọ, nè ge nvèè bá nè va kọ bàá tõo bã ló Jìhóvà, bií ló gè olòó sẹlẹ fã̀ pá tọ. (1 Tím. 5:8) Vá ea íe vulè é “nè fã̀ a dóm” vaá tõoé kè kẽ. (Ẹ́fẹ. 5:22, 33; 1 Pít. 3:1-6) Dóm nè va é íè ge di kpènà ló gè ia ló pọ́lọ́ nè ene. (Ẹ́fẹ. 4:32) Gbò tẹ̀ nè kà e bà íe vulè é zógè kọ bà íèè lèèma mm̀ buù kà ba gbò nvín nè ge noòmà va kọ bàá vùlè Jìhóvà. (Dìt. 6:6, 7; Ẹ́fẹ. 6:4) Mókà gbò nu ànà-ànà ní e ba gbò nvín ólò tení bá gbẹá tọọ̀ kpá ẹ́? Mósĩ́ deè ní e bàé láá bé èlba tã́gĩ̀ bá ea aa bá pá ba kóò e? Tṍó e vulà di zẹ̀ẹ̀ pá tọ, dénè pá tọá ólò ié kpènà.

Ẹ̀B VÍDIÒ EA KỌLÀ IÉ VULÀ E NÁA ÍE KE KÙBMÀ KILMA LÓ PÁ O TỌ, VAÁ Ò GBÓÓ AALÁ NAGBÒ BÍBVÍ:

• Dóm ea íe vulè ólò ẹ̀b nú ea kil ló a va naa vàẹ?

• Mósĩ́ deè ní e va ea íe vulè é zógè kọ à fãè dẽè a dóm ẽ́?

• Mósĩ́ deè ní e gbò tẹ̀ nè kà e bà íe vulè é nóòmà Kpá Káí bà gbò nvín ẽ́?