À dú bíi kọọ̀ dénè gbò níí Kráìst á lẹ̀ẹ̀là bel ló ba lóó ea kil ló ge ṍ míí ea é láá tení dẽè nen. (Pró. 23:20, 29-35; 1 Kọ́r. 6:9, 10) Beè neǹ Kráìst bééláfùl ge ṍ míí, à bọ́ló kọ á naá mm̀ kuna-kuna bá. À bọ́ nágé ló kọ á gá dẹ̀ẹ̀a boo gè ṍ míí ea é láá tení dẽè nen, kọbé náa sívè dõòna gbò. (1 Kọ́r. 10:23, 24; 1 Tím. 5:23) Mm̀ kà kà, náa bọ́ló gè tãgĩ bá tọ́ọ̀ nen, èlmà tõ̀ò gbò nvín ãa kọ bàá ṍ míí ea é láá tení dẽè nen.

Ẹ̀B VÍDIÒ E BÀ TÃ́ BOO Ẹ́Ẹ́ BÁÀ NU EA KỌLÀ BUGI TOGÓ BOO NÚ E MÍÍ ÓLÒ LÁÁ NAA BESĨ́ Ò KÁLÁ Õ̀, VAÁ Ò GBÓÓ AALÁ NAGBÒ BÍBVÍ:

• Éé ní ea náa vaá gbò níí Kráìst é íè ge gbàntṍ ló gbò log ea kil ló gè ṍ míí ea é láá tení dẽè nen ẽ́?—Róm̀ 13:1-4

• Éé ní ea náa vaá néé zigà kọọ̀ dõòna gbò á tãgĩ́i bá kọ é ṍ míí ea é láá tení dẽè nen ẽ́?—Róm̀ 6:16

• Mósĩ́ deè ní eé láá òòà aa ló gbò dìtõ̀ò ea dú gẹẹ-gẹẹ ló ea kil ló gè ṍ míí ea é láá tení dẽè nen ẽ́?