Boo béè kọọ̀ née gbõomà, à bọ́ló kọ é olòó pììgà ge lẹ̀ẹ̀là bel ló bẹẹ tàn. Be è náa kọ̀láá kà nú ea taníi, àé láá naa kọọ̀ Jìhóvà á gá iéi sàn nyíe ló. Dì belí nu dòòmà bá, sìgà gbò a bulà gyã́á, kọ̀là ló, nè tọ gè tõó m èlmà ge fã̀ Bàrì. Dõòna gbò náa tõó boo gbò nòòkúù Bàrì boo bé e bàé náa vaá mm-mè ba tàn kilma ló gbaa ló ea ólò di zẹ̀ẹ̀ págbálà nè pábia. (Róm̀ 1:​26, 27) Nagé, sìgà gbò à di boo bé e bàé náa vaá leemàè pá ba kóò vaá sí pọ́lọ́.​—Ẹ́xọ. 23:2.

Mósĩ́ deè ní eé láá kilsĩ́ gè lẹ̀ẹ̀là bel ló bẹẹ tàn ẽ? À bọ́ló kọ é ká bùlà gbẹẹ́ boo gè naa gbò nú ea léémá Jìhóvà. (Máát. 4:4) À bọ́ nágé ló kọ é bàn Jìhóvà kọ á nvèè bá nèi kọ é láá lẹ̀ẹ̀là bel bẹẹ tàn. Ló éé? Boo béè kọ à nyímá nu ea é palàge leeí ló vaá nyimá nágé bé ea é láá mm-mè bẹẹ tàn mm̀ sĩ́deè ea é léeí ló naa.​—Ps. 145:16.

Ẹ̀B VÍDIÒ EA KỌLÀ Ó GÁ BÃ MM̀ DÙM GE Ṍ SĨI, VAÁ Ò GBÓÓ AALÁ NAGBÒ BÍBVÍ:

• Éé ní ea náa vaá sìgà gbò à ṍ sĩi ẽ́?

• Éé ní e gè ṍ sĩi é láá naaá ní ló é?

• Éé ní ea náa vaá gè ṍ sĩi àbèè bã́á sĩi à dú pọ́lọ́ ẹ́?​—2 Kọ́r. 7:1

• Mósĩ́ deè ní eo é láá kìn ge ṍ sĩi àbèè ge òòà aa ló é?