Boo tṍó e kùbmà bàlà booí gé dũuà iná ku lóí, è ẹbmà dẽe kọọ̀ zààlì kẽ, gbele-gbele nu pọ̀, nè bé gím é kpáá zoogá. (Kùùà 6:4) Mósĩ́ deè ní eé láá kpoogá dee ló nyòòmà gbò nu ànà-ànà ea di sĩ́ ẽ́?

• Agẹlẹ ló o gbaa ló kilma ló Bàrì: Nvèè kpíí ló gbò nòòkúu nè nòòtẽ́ ea di mm̀ Kpá Káí ea síè ni kpóó ló kọ ó láá dẹlẹ nyíé boo Jìhóvà nè a bõ̀ònatõ̀ò vaá nvèè nàgé bá nè ni kọ ó láá tõó kele. (Pró. 12:5; jr 125-126 ¶23-24) Kátogóí ní ea bọ́ló kọ ó bã̀àà lé kóò mm̀ bõ̀ònatõ̀ò ẽ.​—1 Pít. 4:​7, 8

• Kpoogè dee ló gbò nú ea é dú ni bíi ló: Noo nu nyòòmà ge kpènà o bá gbẹá o be tṍó e bè nóo é láá ààna o tọ vaá ò zálí gbò nú ea é dú ni bíi ló sẹlẹ. Nagé, nyimá kiẽ́e eo é kil é be à dọ ní eo é aa o tọ. Kpáá ẹ̀b gbò nú eo beè nvee mm̀ o bẹ̀lẹ̀ eo é láá dàlà teemá tṍó e búù ló nu nááá be gbò nú ea é dú ni bíi ló di m, vaá ò tú kpákábá, féésmask, nè kpègè nvee m. Nyimá kiẽ́e eo é láá gbĩ́ gbò kànen mòn, vaá ò náa kọ baala á nyimá nágé kiẽ́e e bàé láá mòn olo.​—Àìz. 32:2; g17.5 3-7

Tṍó zààlì kẽ, kilsĩ́ gè naa gbò nú ea é agẹlẹ ló o gbaa ló kilma ló Bàrì. (Fíl. 1:10) Òòà aa ló gè dõogẽ kyã̀à tení ló kẽ, áá bèè kọọ̀ à dú bíi kọ ó naa vó. (Máát. 10:16) Dõo gyã́á nè dõòna kà gbò nu.​—Róm̀ 12:13.

Ẹ̀B VÍDIÒ EA KỌLÀ É KỌỌ̀ O KPÓÓGÁ GÉ DEE LÓ NYÒÒMÀ KYỌ̀À SĨ́ NU? VAÁ Ò GBÓÓ AALÁ NAGBÒ BÍBVÍ:

• Mósĩ́ deè ní e Jìhóvà é láá nvèè bá nèi tṍó e búù ló nu nááá ẽ́?

• Mókà gbò nu ní eé láá naa mm̀ ge kpoogá dee ló nyòòmà búù ló nu ẽ́?

• Mósĩ́ deè ní eé láá nvèè bá nè dõòna gbò e búù ló nu nááá ló é?