Jíízọ̀s beè tú gbò nú ea géè naaá kọọmá kpẹ̀a. (Lúùk 13:​1-5) Olo é láá tu nágé gbò nú ea gé nááá kọọmá kpẹ̀a kọbé gbò nen íe lèèma mm̀ kpẹ̀a ea kil ló Boǹ Méné Bàrì. Tṍó eo ni ló bel ea kil ló bé e nu gé sí kpègè naa, búù ló kyọ̀à sĩ́ nu, zààlì kẽ, ge ṍ biè boo bá e bè náa bọ́ló, àbèè gbò nú ea bélígi vó lọ̀l, gbóó bĩiná bíb ea é náa kọ nen á bugi togó. Òó láá bĩiná kọọ̀: “É kọọ̀ à tõó ní ló kọọ̀ kùbmà é beè bã ló . . . ?” àbèè “Éé ní eo bulà kọọ̀ àé nveè kùbmà ló . . . ?” Tṍóá sõò, ò gbóó bugi dọ̀ Kpá Káí ea kil ló belá nèe. Beè nená íe lèèmà, kọ́ nèe nú ea kil ló vídiò àbèè ene kà kpá ea di zẹ̀ẹ̀ Gbò Kpá E Ólò Noòmà Gbò Nen. Boo tṍó e gé piìgà ge ló bel ea é bã́ nyíè gbò e bà di kiẽ́e e ólò kọ́ kpẹ̀a, naanii mè é “náa dénè gbò nuí boo béè . . . Lé Kpẹ̀aí.”​—1 Kọ́r. 9:​22, 23.

Mókà gbò togó bel ní ea é léémá gbò e bà di kiẽ́e eo ólò kọi kpẹ̀a ẹ́?