GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Ẹ̀à O Bá Dì Belí Bé E Jìhóvà Ẹb Ni Naa
“Jìhóvà ólò ié lèèma mm̀ pá a gbò.” (Ps. 149:4) Náa kal ló béè kọọ̀ née gbõomà, à ólò mòn gbò lé kpãa ea dìí m nè gbò lé nu eé láá naa. Kọ̀láá bé ea dì naa, à ólò tàvàlàí ló sìgà tṍó ge mòn gbò lé kpãa ea di mm̀ áá bẹ̀ì. Èé láá ié tã̀àgã̀ bùlà kọ é gé ló tọ́ọ̀ nu boo béè bá e dõona gbò sẹẹmài. Àbèè kọọ̀, beè ká bùlà gbẹẹ́ boo gbò lọ̀ e beè ié, àé láá tõoí ló belí kọọ̀ Jìhóvà náa é láá aa deè vùlèi. Éé ní ea é láá nvèè bá nèi tṍó e nu tọ́aí ló naa vó é?
Kẽ̀èa boo kọọ̀ Jìhóvà mon nú e nen náa é láá mòn. (1 Sám. 16:7) Níá tõó dọ̀ kọọ̀ à ólò mòn nú e beele née é láá mon mm̀ áá bẹ̀ì. Nyíéi ẹ́ẹ kọọ̀ Kpá Káí nveè bá nèi kọ é dã́ ból ló bé e Jìhóvà ẹbvíi naa. Èé láá palàge dã́ ból ló tení dú ló gè bugi gbò nòòtẽ́ ea di mm̀ Kpá Káí ea zógè bé e Jìhóvà vulè pá a gyóòlo naa.
Ẹ̀B VÍDIÒ EA KỌLÀ NAA KỌỌ̀ NYÍÉ NI Á ÀGALA BOO KỌỌ̀ JÌHÓVÀ VULÈ NI, VAÁ Ò GBÓÓ AALÁ NAGBÒ BÍBVÍ:
-
Éé ní e nu dòòle ló ea kil ló nen ea gé téélá teeá nè a tẹ̀ nóòmài ea kil ló bé e Jìhóvà ẹbvíi naa ẽ́?
-
Beè nen ea beè sí kà agẹbá pọ́lọ́ tú gbò láb tọ ea bọ́ló nyòòmà ge sí tóm ló a gbaa ló kilma ló Jìhóvà, mósĩ́ deè ní ea é láá naa kọọ̀ a nyíe á àgala boo kọọ̀ Jìhóvà vulèèe é?—1 Jọ́ọ̀n 3:19, 20
-
Mósĩ́ deè ní e vígà págbálàá beè ié bélè lọl ló gè bugi vaá bugi togó boo gbò nòòtẽ́ ea kil ló Dévìd nè Jèhóshẹfàt e?
