GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Jìhóvà Dú “Tẹ̀ Gbò E Bà Náa Íe Tẹ̀”
Buù gbáá, gã́bug gbò nvín ãa ólò beeláfùl ge dú kóò Jìhóvà. (Ps. 110:3) Jìhóvà ólò palàge ẹ̀b nú ea kil ló buù bọ̀ì. À dã́ ból ló gbò nu ànà-ànà e buù bọ̀ì kpeelìì sĩ́ ló, vaá à zigà kọ àẹ́ nveenìè bá neèi kọbé ò láá fãí ẽ. Be à gá náa áá tẹ̀ àbèè kà ní ea gé búmá nié, kẽ̀èa boo kọọ̀ Jìhóvà dú “tẹ̀ gbò e bà náa íe tẹ̀.” (Ps. 68:5) Búma ea aa bá Jìhóvà é láá naa kọ ó fã̀e, e náa dẹẹ̀a boo íb dìtõ̀ò eo gé téní bá gbẹá tọ.—1 Pít. 5:10.
Ẹ̀B VÍDIÒ EA KỌLÀ GBÒ E BÀ NI LÁÁ KPÈNÀ BA ZÌGÀ—GBÒ E ÁÁ TẸ̀ ÀBÈÈ KÀ NÍ EA BEÈ BUMÁ VA Ẹ́, VAÁ Ò GBÓÓ AALÁ NAGBÒ BÍBVÍ:
-
Éé ní eo nóò lọl ló nu dòòmà bá Tammy, Charles, nè Jimmy ẽ?
-
Mókà bel nvèè nyíé gbàà ní e gbò e áá tẹ̀ àbèè kà gé búmá va é láá ié lọl mm̀ kpá Psalm 27:10 é?
