GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
É Kọ O Kpóógá Gé Dee Ló Nyòòmà Tṍó E Nu Gè Tõ̀òma Dùm É Tavàlà Ge Ié?
Náa bọọí ló tṍó e gbò nú ea gé nááá bàlà booí náa kọọ̀ nu gè tõ̀òma dùm á tàvàlà ge ié beeá ló bàlà boo. Ló éé? Boo béè kọọ̀ è di kà dee deè nvée ea di ló gbò deé é tṍó é gé tà, vaá Kpá Káí beè ãanéi kọọ̀ é gá “ból dẽe sĩ́ gyọ́, ea dú nú e nen náa é láá mm-mè bùlà boo.” (1 Tím. 6:17; 2 Tím. 3:1) Éé ní e nu dòòmà bá Méné Jèhóshẹfàt é láá noòmài ea kil ló gè kpoogá dee ló nyòòmà tṍó e nu gè tõ̀òma dùm é tavàlà ge ié é?
Tṍó e pá ba gbò ọ́b beè naa uú vá boo, Jèhóshẹfàt beè dẹlẹ nyíé boo Jìhóvà. (2 Kró. 20:9-12) A beè naa gbò nú ea bọ́ló gè naa mm̀ ge kpoogè dee ló dóá tení dú ló gè tìbgì gbò pọ̀b bon nè ketõ̀ò ge kpoogè dee ló nu sẹlẹ, gbá ló kiẽ́e e gbò bé é tõo. (2 Kró. 17:1, 2, 12, 13) Dì belí Jèhóshẹfàt, àé dú lé gè dẹlẹ nyíé boo Jìhóvà vaá naa gbò nú ea bọ́ló gè naa tṍó e kpeè sĩ́ ló tàvàlà dìtõ̀ò.
Ẹ̀B VÍDIÒ EA KỌLÀ É KỌỌ̀ O KPÓÓGÁ GÉ DEE LÓ NYÒÒMÀ KYỌ̀À SĨ́ NU? VAÁ Ò GBÓÓ AALÁ NAGBÒ BÍBVÍ:
-
Éé ní e buù bẹ̀ì é láá naa gè kpoogá dee ló nyòòmà kyọ̀àsĩ́ nu ẽ́?
-
Mósĩ́ deè ní eé láá kpoogá dee ló gè nvèè bá nè dõona gbò e?
