• Ps. 36:6​—Éé ní e neǹ ọ́lì sọ́l géè kọ̀ tṍó ea kọ́ọ̀ lé lab dògò Jìhóvà bélí “gbò gù ea palàge bọọ́ gãboo [àbèè kọọ̀, “à bélí gbò gù Bàrì,” ekk.]” e? (it-2 445)

  O ààla

• Mókà gbò lé nu ea di mm̀ bugì Kpá Káí sèí ní ea é léémá ni gè kọ́ nèi ẽ́?

  O ààla

Boo béè búù ló kyọ̀àsĩ́ nu nè dõona kà gbò kyọ̀àsĩ́ nu ea aa ló nú e gbò gé náa, gã́bug gyọ́ a peè pá vígà e bà dì beeá ló bàlà booí vaá gbò e ba beè vùlè a ú. (Ps. 9:​9, 10) Kà-kà bel ea dì dú kọọ̀ “tã̀àgã̀” é láá naaá kọ̀láá tṍó, vóà naa, à dú bíi kọ é kpoogá dee ló nyòòmà gbò tã̀àgã̀í besĩ́ à kálá naaá.

Gbá ló gè kpoogè dee ló gbò nú ea é nveè bá nèi kọ é láá kpènà bẹẹ dùm tṍó e búù ló kyọ̀àsĩ́ nu naaá, a éé ní ea é láá nvèè bá nèi kọ é emá tṍó e gbò kyọ̀àsĩ́ nuí nááá ẽ́?

• Kpoogá dee ló mm̀ o nyíe: Nyimá kọọ̀ kyọ̀àsĩ́ nu ólò naaá, vaá ò bugi togó boo nú eo é láá naa be à nááá. Ógá bùlà gbò o ìènù zelmá kẽ. Ge naa vó é nveè bá nè ni kọ ó láá labví láb e nyìmànù di m, nè lé béèlafùl, vaá ká bùlà gbẹẹ́ boo gè naa gbò nú ea é kpenà o dùm èlmà gbò o ìènù. (Jén. 19:16; Ps. 36:9) Àé nveè nàgé bá nè ni kọ ó láá ẹ̀b nú boo bá ea bọ́ló tṍó e kyọ̀àsĩ́ nu ni nááá lọ̀l, vaá naa kọ ógá bọọgẹ̀ ié tã̀àgã̀ bùlà be à gá náa gbò o ìènù à kyọa sĩ́.​—Ps. 37:19

• Agẹlẹ ló o gbaaló kilma ló Bàrì: Agẹlẹ ló o gè dẹlẹ nyíé boo kọọ̀ Jìhóvà íe kpóó nè tàn gè ẹ̀b nú ea kil ní ló. (Ps. 37:18) Besĩ́ kyọ̀àsĩ́ nu kálá naaá, olòó kẽeé nyíè o bá kọọ̀ Jìhóvà é kpenà vaá nvèè bá nè pá a gbò, kọbè à gá náa à dọ̀ ní e ‘áá ba dùm ní ea ful zelí bá ẹ́.’​—Jèr. 45:5; Ps. 37:​23, 24

Tṍó e agàla boo kọọ̀ Jìhóvà é ḿm̀-mè gbò a zìgànù, à zógè kọọ̀ è túùe naamá bẹẹ “ketõ̀ò kpènà tṍó tã̀àgã̀.”​—Ps. 37:39.

Bìlà VÍDIÒ Ea Kọlà É Kọọ̀ O Kpóógá Gé Dee Ló Nyòòmà Kyọ̀à Sĩ́ Nu? Tṍóá ò gbóó bĩiná gbò e bà gé pãané ni tṍ ló kọọ̀:

• Mósĩ́ deè ní e Jìhóvà é láá nvèè bá nèi tṍó e kyọ̀àsĩ́ nu nááá ẽ́?

  O ààla

• Gbò éé ní eé láá naa gè kpoogá dee ló nyòòmà kyọ̀àsĩ́ nu ẽ́?

  O ààla

• Mósĩ́ deè ní eé láá nvèè bá nè gbò e nu kyọa ló é?

  O ààla