Àé láá valí gè bugi togó kọọ̀ èé gbẹ́àẹ̀ ãa lee e bè née gé ténèe bá gbò “tã̀àgã̀ ea di mm̀ deè áná” e mm̀ nakà bàlà boò Sétàní. (Ẹ̀klì 12:1) Be ọ̀ọ̀ nvín ãa, é kọ òó láá toḿ bùlà kọọ̀ ò íèè gã́bug tṍó ge tú lóó nvee mm̀ gbò nú ea é nvèè bá nè ni kọ ó fã̀ Bàrì dì belí ge sí tóm kọ̀ kpẹ̀a dénè tṍó?

“Gbò nú e bè néè ẹ̀bmà dẽe ólò naaá ló” kọ̀láá bẹ̀ì, kalìbèè gbò e bà di dí ãa. (Ẹ̀klì 9:11) “Olo nóo nyímà bé eo dùm é meà naá lọ̀ọ̀le.” (Jém̀z 4:14) Vó à naa, ógá sẹlẹ òòà aa ló gbò nú ea é láá nvèè bá nèni kọ ó fã̀ Bàrì. Teníí “pọ̀b gbàà nùtọ ea túlè nen nvee mm̀ sìtóm” boo tṍó ea di dí sèèlaí. (1 Kọ́r 16:9) Olo nóo gé ọ́gá ló.

• Ge kọ́ kpẹ̀a mm̀ dõona kà dém bel

• Ge kọ́ kpẹ̀a dénè tṍó

• Ge sí tọọ̀ kpá ea di kè bá búma Jìhóvà

• Tóm ge tìbgì tọ

• Ge sí tóm Bẹ́tẹẹ̀l

• Ge sí tóm dì belí gyóòlo ea gé kudẽé ló sẹ́kiùt